بعد تأخير إصدار Steam Deck من موعده الأصلي لحد فبراير 2022، بسبب أزمة أشباه الموصلات في العالم واللي خلا ناس كتير تتشكك في إمكانيه إصدار الجهاز خصوصاً مع سعره القليل نسبياً مقارنةً بمواصفاته، فخرجت Valve بأكثر من عرض ترويجي و مقابلات مع صناع الجهاز علشان يطمنوا الناس أن الجهاز لسه هينزل في موعده الأصلي.
مقابة مع مصمم الـ Steam Deck
ففي مقابلة مع PCGamer صرح المصمم Greg Coomer أن مهمة تطوير الجهاز ماشيه بخطى سليمة وانهم كانوا مستائين من إعلان تأجيل إطلاق الجهاز ولكنه مؤمن أن كل العقبات تمت تخطيها و إنهم هيقدروا يوفروا الجهاز في موعده الجديد من غير أي تأجيلات تانية.
وعلى الرغم من عدم إفصاح Valve عن عدد الطلب المسبق للجهاز إلا إن Greg Coomer قال انهم بيتوقعوا آن الجهاز هيبيع الملايين في أشهره الأولى في السوق خصوصاً وإنهم عاملين حسابهم على كده في كمية الأجهزة اللى بتتصنع دلوقتي علشان يلبوا الطلب الكبير.
وإن هدفهم مش إطلاق كبير في الأول وبعد كده الجهاز يتنسي ولكن هدفهم الأهم إنهم يبدأون الإطلاق بعدد لا بأس به بعد كده بمرور الوقت الطلب يبدأ يرتفع ويوصل للأرقام اللي Valve متوقعها من الجهاز و اضاف انه لو مدينا مدة لما بعد 2022 ولحد أواخر 2023 فهما يتوقعون ارتفاع كبير في شعبية الجهاز لدرجة ان عدد المستخدمين على نهاية 2023 هيتجاوز الملايين وده اللى في خطتهم دلوقتي.
اسباب تأخر إطلاق الجهاز
وكان السبب الأهم في تأخير إطلاق الجهاز هو نقص في توفير بعض القطع اللازمة على الوقت واللي اهمها كانت الشريحة الأم و خصوصاً متحكمات الـ IC الخاصة بيها واللي العديد من الشركات تتنافس عليها بالفعل. وشبه Greg Coomer الوضع زي أزمة السيارات بأنهم قدروا يوفوا اغلب القطع الأساسية ولكن الإطلاق كله تعطل بسبب أجزاء صغيرة مقدروش يحصلوا عليها في الوقت المناسب.
إقرأ ايضاً:
كل ما تريد ان تعرفه عن اكونتات الاكس بوكس والجيم شير
صور جديدة لنسخة الـ 512جيجا
ومن فترة قريبة أعلنت Valve عن الحزمة الخاصة بنسخة الـ 512 جيجا من الـ Steam Deck، والتي تشمل لوجو مختلف على العلبة مع رسمة مميزة على سلك الشحن الخاص بالجهاز.
بالإضافه لحصول النسخة الـ 512 جيجا على شاشة احسن من النسخ الأقل واللي هتدعم تقنية امتصاص الإنعكاسات اللي هتساعد في تحسين تجربه اللعب تحت إضائة الشمس
