زي ما ذكرنا قبل كدة في مقالة ليه الـ Steam Deck شغال ب Linux،وتتابعاً مع إستعراضات المطورين لأداء ألعابهم المختلفة على Steam Deck زي The witcher 3 و DOOM، أطلقت Valve حساب تويتر جديد متخصص لإستعراض أداء الألعاب على Steam Deck.
و النهاردة Valve أطلقت سكشن جديد في موقعهم بالإضافة لفيديو يوضح وضع أغلب الألعاب على Steam Deck تم نشره على حساب تويتر، و بيقسم الألعاب ﻷربع أنواع: Verified – playable -unsupported – unknown. ومن خلال المقالة ده هنعرف الأنواع المختلفة للألعاب على الـ Steam Deck.
Verified
وده معناه أن اللعبة تم اختبارها بنسبة 100% من ناحية الأداء سواء كانت بتحقق 30FPS أو أكتر، وطبيعة اللعب بطرق تحكم Steam Deck المختلفة من ناحية الـ Gamepad أو من خلال شاشة اللمس و لوحات اللمس، بالإضافة إلى سهولة اللعب على الجهاز بأريحية.
Playable
وعلى عكس Verified، فالألعاب اللي من نوع Playable هتكون بتتلعب من البداية للنهاية عادي على الجهاز، ولكن ممكن يكون في شوية مشاكل زي إن يكون الأداء مش مظبوط أو متكونش اللعبة متعرفة بشكل كويس على أزرار التحكم من أول مرة، فعلى سبيل المثال الكثير من الألعاب وخصوصاً ألعاب الـ RPG اللي بتتطلب كيبورد علشان تدخل إسم الشخصية وساعتها هتحتاج تستعمل الكيبورد الوهمي على الشاشة وده اللي ممكن يخل شوية بتجربة اللعب، أو تحتاج إنك تعدل الجرافيك بنفسك علشان يديك أداء أحسن، أو تضطر تفتح لانشر مختلف علشان تلعب اللعبة زي ألعاب ubisoft زي FarCry أو Assassin’s Creed اللي بيطلبوا ubisoft connect علشان يشتغلوا، وهيتم وضع الأسباب الي خلت اللعبة ده Playable ومش Verified.
Unsupported
والألعاب اللي هيكون عليها Unsupported معناها أن الألعاب ده مش هتشتغل على Steam Deck، وبالأخص ألعاب الـ VR واللي مش هتشتغل بشكل كامل على Steam Deck وده مفهوم بما أن ألعاب الـ VR بتحتاج نظارات متخصصة بالإضافة إلى الهاردوير أقوي من اللي بيقدمة الـ Steam Deck. بالإضافة إلى الألعاب الى شغالة ببرامج Anti-cheat ومش بتدعم Linux لسة زي Call of Duty Warzone.
إقرأ ايضاً:
إختبارات أداء جديدة تكشف مدى قوة الـ Steam Deck
Unknown
وده معناه إن اللعبة مش معروف إذا كانت شغالة على الـ Steam Deckولا لأ، وده لكذا سبب سواء إن فريق الإختبار الخاص بـ Valve لسة مجربش اللعبة، أو لإن المطور رافض إن لعبته يتم اختبارها على الجهاز.
وساعتها الحل الأمثل هو إنك تدور على حالة اللعبة على موقع ProtonDB واللي بيقدم طريقة تقييم مشابهة ولكن المقييم هنا اللاعبين.
الخاتمة
تعتبر الخطوة ده واحدة من أهم الخطوات الى عملتها Valve والي مش بس هتسهل على اللاعبين انهم يلاقوا ألعاب تشتغل بسرعة على الـ Steam Deck، ولكن كمان هيحث المطورين على تحسين ألعابهم علشان تشتغل على الـ Steam Deck بشكل أفضل في أسرع وقت ممكن.
