Articles, News

ليه الSteam Deck شغال بLinux بدلا من Windows؟

زي ما valve فاجأتنا مع الإعلان عن الـ Steam Deck بمواصفاته العالية مقابل سعره و لكن في سؤال مهم ممكن يجي في بال اي شخص وهو يتابع اخباره, وهو ليه valve اتجهت لـ Linux و مستعملتش Windows؟الحقيقة السبب هو العداء الصاعد بين microsoft و valve.وان الSteam Deck يعتبر جزء من استراتيجية Valve بسبب التغير الكبير الي حصل مع صدور Windows 8 في 2012.

بدايه المشكله

من بعد صدور windows 8 في 2012 والي اخد انتقاد كبير سواء من المستخدمين بسبب الاتجاه لتفضيل UI تناسب اجهزه التابلت و التخلي عن ال Start Menu. ولكنه برضوا اغضب اصحاب شركات كتير بسبب التحكم الزائد لMicrosoft و اطلاقها لـ Windows Store والي كانت طريقة Microsoft لمحاوله تخليق نفس نظام الاحتكار الي Apple و Google يطبقوه من سنين يعني هيكون ليهم الحق انهم ياخده جزء مباشر من أرباح Steam. لدرجه ان Gabe Newell صاحب شركة Valve وصفه بالمصيبة وقتها, وكان من النقطه ده Valve بتحاول انها تقضي علي اي فرصه لاحتكار المنصة عن طريق انها تطلق نظام تشغيل خاص بيها.

اطلاق SteamOS

وبعد سنة من اصدار Windows 8 نزلت Valve أول إصدار تجريبي من SteamOS والمبني على Linux وبالاخص توزيعة Debian, اول اصدار رسمي في أواخر 2014. ولكنه كان ملئ بالعيوب والمشاكل اهمها انه مكنش بيشتغل غير على كروت Nvidia بس, ولكن Valve اشتغلوا على حلول لكل المشاكل.

حلم ال Steam Machine

ومع حلول 2015 نزلت Valve الاصدار التاني من ال SteamOS, ومعاه أصدره اول جيل من ال Steam Machine, والي كان مقدر لها الفشل لعدة أسباب: أهمها السعر المبالغ فيه و الكنترولر الغريب و  الدعم الفني السئ وفوق كل ده مكانش يشعل غير اقل من 1% بس من العاب Steam مع عدم قدرته لتشغيل العاب ال Windows, وحتى الالعاب اللي بيشغلها كان ادائه مزري في تشغيلها. فمكنش من الغريب فشله الكبير, ولكن Valve اتعلمت الدرس كويس.

Proton حبل ناجه Valve الأخير

وهنا أدركت Valve انهم لو مش هيقدروا يخلوه المطورين ينزلون العابهم على Linux, فهما الي لازم يلاقوا طريقه علشان يشغلوا العاب Windows علي Linux بنفسهم, وده اللي ادي في 2018 لإصدار proton والي هو طريقه توافق بتقدر من خلالها تشغيل برامج Windows علي Linux. والي في مقابلة مع IGN قال Scott Dalton ان لولا الفشل الكبير الي حصل مع الـ Steam Machine مكنتش Valve فكرت انها تستثمر وقتها وفلوسها في تطوير Proton. وبالفعل Proton قدر انه يغير شكل الصناعة بشكل كبير بالنسبة للمطورين و Valve علي حد سواء, لانه الان مبقاش شرط ان المطور ينزل نسخه مخصوص علشان تشتغل على Linux ولكن يكفي انه بس يجرب اللعبه ويحل مشاكلها و هي تشتغل بشكل سليم على Linux زي بالضبط ما هي شغالة على Windows وبالفعل حاليا في أكثر من 80% من العاب ستيم شغاله علي Proton والي Valve بتدعي انه مع اصدار ال Steam Deck هتكون قدرت انها تشغل كل مكتبة ستيم علي الجهاز

الخلاصه

حاولت Valve كتير خلال السنين الي فاتت انها تقضي علي هيمنة Windows في سوق الPC Gaming ورغم محاولاتها الفاشله قبل كده الا ان ال Steam Deck يعتبر اخر فرصه ل Valve والي نقدر نقول عليه انه عباره عن حصان طرواده في حد ذاته علشان تضمن ان ناس كتير يتجهوا تجاه Linux تكسب الحرب الطويله الي بينها وبين Microsoft و يكون ليها تحكم اكبر في صناعه الPC Gaming بشكل عام