News, الأخبار

تحديث الPS5 الجديد يحسن اداء الالعاب

بعد اصدار سوني نسخة جديدة من الـ PS5 والي تحمل اسم CFI-1116 A لنسخ الاقراص و اسم CFI-1015B لنسخ الديجيتال,اشيع عنها انه ينتج حرارة أكبر من النسخة السابقة إلا أنه كان يحمل أيضا تحسينات على أداء بعض الألعاب.

تحديث الـ PS5 الأخير

وزي ما أشيع قبل كده ان النسخة الجديدة من ال PS5 صاحبة تبريد اسوء من النسخة القديمة بسبب تصغير حجم المشتت الحراري, الا ان قناة Digital Foundry قدروا انهم يثبتوا عكس كده, بل و حتى قالوا إن النسخة الجديدة تؤدي بشكل أفضل في بعض الحالات من النسخة القديمة.

بس الحاجة اللي مكنش حد متوقعها هو أن النسخة الجديدة من ال PS5 يكون ادائها احسن من النسخة القديمة, حيث ان Digital Foundry لقوا ان النسخة الجديدة توفر أداء العاب أحسن بنسبة 1% إلى 3% من الأداء الأصلي,فمثلا لعبه Control أصبحت دلوقتي في وضع تتبع الأشعة تصل الى  60 فريم و DMC5 SEبتوصل ل 35 فريم في وضع ال4K مع تتبع الأشعة.

حاليا مازال التحديث جزء من البيتا والي المفروض ينزل على اول السنه الجديده لكل اجهزة ال PS5 حتى الموديل القديم بالاضافة الى دعم ميزة VRR.

تحسين أداء ال PS5 مش حاجة جديدة

ممكن يكون الكلام مفاجئ شويه, ولكن بالفعل سوني مش اول مره تعمل الحركة دى فقبلها مايكروسوفت قدروا يرفعوا أداء الـ Xbox One بنسبة تتراوح لحوالي 10% من ناحيه ال GPU و 6% من ناحيه الCPU وده لما لقوا ان تبريد الجهاز يقدر يسمح لهم بكده.

وحتى سوني نفسهم عملوا حركة مشابه في الPS4 Pro لما أضافوا وضعية الـ Turbo Boost والتي سمحت لهم برفع قوة الجهاز لفترة من الزمن لما تشغل العاب ثقيله زي God of war أو The last of us part 2.

فده استراتيجية قديمة بيتبعها مصنعي الكونسول علشان يقدروا يحافظوا على استقرار أداء الجهاز لأطول فترة من الزمن