لحد فتره قريبه مكناش نسمع عن Emulators جديدة تتعمل الا وتكون لاجهزه قديمه زي ال Wii او الps2, ولكن و في مفاجأة محدش كان يتوقعها خرج علينا من يومين مطور تحت اسم Spine ونزل او اصدار من محاكي لل PS4, ايوه انت سمعت صح محاكي رسمي قادر علي تشغيل العاب ال PS4 على الPC قادر علي تشغيل اكتر من 300 لعبة!
أول ظهور لـ Emulator كان من سنتين عن طريق فيديو علي اليوتيوب, والي اتعرض فيه ال Emulator وهو بيحاول يشغل العاب بسيطه تحديدا Mega Man Legacy Collection و Stardew Valley. ولكنهم مكنوش شغالين كويس اوي بالاحري مشتغلوش خالص ومن ساعتها مكنش فيه اخبار جديده عن ال Emulator لحد يومين فاتو.
خرج لنا نفس المطور بتحديث جديد لل Emulator و نزل معاه اول نسخة متاحة للتحميل ومعها قائمة بالالعاب الي يقدر يشغلها والمفاجأه ففي اكتر من 300 لعبة شغالين كويس عليه.
صحيح انك مش هتقدر تلعب Spider-man ولا God of war عليه في اي فتره قريبه, وكل العاب 2D بسيطه زي Dead cells و Sonic mania. ولكن للمفاجأة لما يوتيوبر مشهور تحت اسم MVG جرب لعبه Dark souls عليه اشتغل وقدر يكريت شخصية ويبدأ اللعبة.
ولكن مش بس ال Emulator ده قدر انه يشغلها بجوده كويسه, وكمان قدر يشغل الصوت كويس منغير تكسيرات في الصوت او مشاكل وده لوحده يورينا قد ايه المطور ده وضع اهتمام كبير في تطويره.
على الرغم من أن ال Emulator حاليا شغال على لينكس بس و تشغيله يعتبر صعب بالنسبة للمستخدم العادي و انه مش بيقدر يشغل العاب AAA لسه ولكن ده خطوه كويسه جدا وانه قدام ممكن نشوف المحاكي بجوده كويسه تسمح لنا بلعب العاب زي God of War او Marvel’s spider-man قريب.
