مراجعة لعبة

Lords of the Fallen

Lords of the Fallen هي لعبة RPG تندرج تحت تصنيف الsouls-like من تطوير استوديو Hexworks و كان اصدارها الاول سنة 2014 ولكنه كان متواضع جدا و تجربة سولز تقليدية,  وبيقرر الاستوديو يرجعلنا في 2023 بreboot لعالم اللعبة تحت نفس الاسم و بنفس العالم لكن بعد مرور الاف السنين مع شخصيات جديدة و قصة جديدة و ميكانكس جديدة 

القصة

قصة اللعبة بأختصار بتتكلم عن اسطورة حرب البشر مع سيد الشيطان adyr في عالم Mournstead المظلم و انهم قدروا يتغلبوا عليه و ينفوه لعالم اخر

بعدها تم انشاء 5 منارات موزعة في انحاء العالم الضخم بيحميها الHollowed Sentinels عشان يفضل adyr منفي للأبد ولكن في ظل غياب الاسياد ابتدت تسود قوي الشر في عالم Mournstead من تاني و يفسد الـ Hollowed Sentinels و مع فسادهم بتنطفي المنارات الخمسة واصبحت عودة adyr تهديد حقيقي 

و هنا بيجي دور اللاعب و بيكلف بمهمة خطيرة من سيد النور لتطهير الارض من الفساد و يضئ المنارات الخمسة من تاني 

و يا تري هل هيقدر لاعبنا انه ينقذ العالم من شر adyr ولا الصعوبات اللي هتواجهه في طريقه هتقدر تعطله 

و لازم انوه ان اللعبة مفيش فيها ترجمة عربي و بعض المصطلحات فيها متاخدة من الانجليزية القديمة فلو انت مش متقن اوي للغة فغالبا مش هتستمتع اوي بالقصه

الجيمبلاي

زي كتير من العاب السولز لعبة Lords of the Fallen بتخير الاعب بين Classes كتير و متنوعة

في بداية اللعبة بيكون متاح ليك تختار ما بين 9 بيكون كلهم مختلفين في الشكل و اساليب القتال

كل واحد منهم ليه الاسلحه الخاصه بيه يعني مثلا بتحب السيوف مفيش مشكله هتلاقي طلبك , بتحب الـ Heavy Weapons برضو هتعرف تلعب بيهم و لو بتحب السحر تقدر تبقي Mage 

وفيما بعد وانت بتخلص القصة بالتدريج هيتفتحلك 4 Classes تانيين واللي تقدر تعيد بيهم اللعبة بعدين باسلوب مختلف عن الاول  او حتي تجرب تلعب بيهم في new game plus علي صعوبه اعلي 

 طبعا كل Class بيختلف عنده الـ Stats عن التاني و في المجمل اختيارك للـ Class مش هيأثر في صعوبة اللعبة بشكل كبير وتقدر تختار اللي بتحب اسلوب لعبه اكتر و لكن فيه بعض الـ Classes مكتوب تحتهم Advanced Class و دول لو انت لسا جديد علي العاب السولز يفضل متلعبش بيهم لأنهم بيبقوا اصعب شوية من العادي 

و نصيحتي الشخصية بعد تجربة اكتر من Class انك تبتدي بUdirangr Warwolf و هي شخصية بتستعمل السيف كسلاح اساسي و الاسلحة الكبيرة في العموم و الستاتس بتاعتها متوازنة ما بين الدفاع و الهجوم و الجيم بلاي بتاعها ممتع. 

عالم اللعبة بيتكون من عالمين اول واحد فيهم هو Axiom و اللي بيكون هو عالم الاحياء و دا العالم اللي بتدور فيه احداث قصتنا بشكل اساسي و لكن  لما بتموت بيجيلك فرصة تانية للنجاة و بتنتقل للعالم التاني Umbral و اللي هو بيكون عالم الموتي و هناك بتواجه صعوبات اكبر و مختلفه عن اللي موجوده في عالم الاحياء و كل ما الوقت بيعدي فبتكون محتاج ترجع لعالم axiom تاني في اسرع وقت ممكن 

و دورعالم Umbral في اللعبة كبير جدا لأنه مرتبط بواحد من مميزات اللعبة و احسن الميكانكس و اكثرهم تميزا هو المصباح و هو key item مهمة جدا لأنه بيسمح للاعب بالتنقل ما بين العالمين و من غيره متقدرش تحل اغلب الPuzzles المنتشرة في عالم اللعبة و كمان بيفتحلك ابواب و مسارات جديدة مش موجودة في عالم Axiom و بأستعماله تقدر تسحب ارواح الشياطيين عشان تسهل المواجهة عليك اكتر و لما بتقتل بوس في فايت بتقدر تلاقي اسلحته و الgear بتاعه بالكامل عند واحد من التجار في عالم اللعبة وبتقدر تحفظ تقدمك عند Checkpoints معينة اسمها Vestige بتكون موجودة في بداية كل مكان جديد بتكتشفه 

و فيه Checkpoints مؤقتة اسمها Vestige Seed تقدر تزرعها بنفسك والنوعية دي من الcheckpoints هتمثل دور صديقك المفضل اللي بينقذك في اسوء الاوقات, لأن من غيرها كل ما تموت هتحتاج تمشي لمسافات كبيرة بسبب ان عالم اللعبة يصنف من العوالم الضخمة و لكن طبعا متتوقعش حاجه زي عالم the Witcher 3 او red dead مثلا لكنه بعد الReboot حجمه بقا اكبر بكتير من النسخة اللي كانت موجودة في 2014 فمتنساش ديما تشتريها 

وطبعا باقي الميكانكس المعتادة في العاب السولز موجودة زي الstamina و الvigor اللي هو يعتبر الهيلث 

وكمان بتتميز بميكانيك Wither Damage المشابه للعبة bloodborne و هو انك لم بتصد الضربة بتاخد دامج بسيط و بتهيل لما تضرب العدو 

في المجمل هتاخد تجربة سولز ممتعة جدا لكن فيها بعض المشاكل في اسلوب القتال و اهمهم ناحيتين 

الاولي فيه ناس ممكن تعتبرها ميزة و ناس ممكن تعتبرها عيب و هي ان فيه بعض البوس فايتس بتكون سهلة بطريقة مش ماشية مع جو اللعبة 

و التانية ان احيانا الai بيستغبي و ممكن تحبسه في حيطة او في كرسي و تقعد تتفرج عليه محشور زي الاهبل و مش عارف يطلع و حتي الreset طريقته غبية بحيث انك تقدر تبعد عن الرينج بتاع الوحش و هيختفي بشكل غبي و يرجع لمكانه و بكامل هيلثه كأنه مكنش فيه حد بيجري وراك من شوية و لكن طبعا المشاكل دي احنا متعودين عليها في الجيل الجديد 

المالتي بلاير

بالنسبة للمالتي بلاير اللعبة بتتيح ليك انك تقدر تختمها مع صاحبك و هيقدر يمشي معاك لأي مكان في العالم من غير اي معوقات والloot و الxp بيتسيف للشخصيتين لكن العالم نفسه مش بيتعمله سيف غير عند المضيف 

لكن منصحش بيه في الفترة الحالية لأن مطورين اللعبة اكتشفوا ان في بعض الاحيان ملف الsave الخاص بواحد من اللاعبين ممكن يبوظ بشكل عشوائي و من غير اي سبب و لحد دلوقتي المشكلة متحلتش 

و كمان فيها مشاكل متعلقة باللاج منقدرش تتجهالها و فيه مشكلة كبيرة حصلت علي اجهزة الاكس بوكس تحديدا و هي ظهور الitem duplication و دا طبعا دمر قيمة العملة الخاصة باللعبة و لسا المطورين شغالين علي حل للمشكلة

الجرافيكس و الاداء 

اللعبة مصممة بمحرك Unreal Engine 5 و معروف عن المحرك دا جمال الجرافيكس فيه بشكل عام في العاب الجيل الجديد ولكن اخر فترة ابتدينا نلاحظ انه بيسبب مشاكل كتير في الاداء ودا ظهر بشكل واضح في lords of the fallen

للعبة من نوعية الالعاب اللي تحب تتفرج عليها لكن مش النوع اللي تحب تلعبه بسبب انها مليانة تفاصيل في كل مكان وواضح ان كل جزء صغير فيها متصمم بعناية شديدة ودا سبب مشاكل كتير في الاداء الخاص باللعبة لأن اللعبة في اوقات كتير بيتكرر فيها مشاكل الدروب فريم و الcrash المفاجئ و الblack screen و دا بيبان مع الاجهزة المتوسطة اكتر وكمان الاجهزة العالية لسا بتعاني مع اللعبة و حتي مع نزول اكتر من باتش قبل اصدار اللعبة فاغلب المشاكل لسا متحلتش واوقات كتير التجربة بتبقي كارثية

حتي اجهزة الكونسلز بتواجه نفس المشاكل و بس اكتر المشاكل حصلت مع xbox series s لانه معروف انه جهاز ضعيف لكنه محسوب علي اجهزة الجيل الجديد و باين جدا ان اللعبة شغالة علي resolution قليل و معموله upscale 

بس لو قدرنا بمعجزة ما نتجاهل مشاكل الاداء فجرافيك اللعبة جميل جدا و تصميم العالم عبقري لدرجة ان كل صورة منها تحسها لوحة فنية وعالم Umbral بيزود العالم جمال لم بيندمجوا سوا اثناء استعمالك للمصباح 

وكمان احب اوجه تحية خاصة لستوديو Hexworks علي الجزء الخاص بالموسيقى اللي بتخليك تندمج مع اجواء عالم اللعبة الرائع وبس كدا.

التقيم النهائي

7/10