الأخبار, عن الألعاب

Capcom : نعمل على إصدار Resident Evil 8 على الجيل الحالي

خلال الفترة الي فاتت نزلت اشاعات كتير أهمهم من المُسرب Dusk Golem وأكد إن فعلاً لعبة Resident Evil 8 Village هتصدر على الجيل الحالي PlayStation 4 و Xbox One.

امبارح خلال فعاليات Tokyo Game Show 2020 إتكلم منتج اللعبة Tsuyoshi Kanda وأكد إن شركة Capcom بالفعل تنوي إنها تصدر اللعبة على الجيل الحالي من أجهزة الكونسول بس الموضوع لسة في مرحلة التطوير وهو مش عايز يدي أي وعود حالياً.

لعبة Resident Evil 8 Village بيتم تطويرها على نسخة مُحدثة من محرك RE Engine الي تم استخدامه لأول مرة في 2017 مع لعبة Resident Evil 7 وشوفنا تحسينات ضخمة بعد كدة في Resident Evil 2  و 3 Remake.

اللعبة بتستهدف انها تشتغل على دقة 4K و60 فريم في الثانية على Xbox Series X و PlayStation 4 وهتشتغل على دقة بين 1080p و 1440p على Xbox Series S على 60 فريم برضو. طب بالنسبة لأجهزة الجيل الحالي ؟ شخصياً شايف انه هيبقى صعب الاستوديو يحافظ على مستوى رسومي قوي ويقدم 60 فريم في الثانية على الاجهزة  الحالية فا ممكن نشوف تخفيض كبير في الرسومات مقابل انها تشتغل على 60 فريم أو يقدموا مستوى رسومي كويس جداً بس اللعبة تشتغل على 30 فريم.

لعبة Resident Evil 8 Village هتتوفر على الجيل الحالي والقادم والحاسب الشخصي في 2021.

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.