كل ما تريد ان تعرفه عن اكونتات الاكس بوكس والجيم شير

ايه الفرق بين الأكواد والحسابات؟

الكود ميزته بتفعله على حسابك الشخصي وتحمل منه اللعبة علطول وتلعبها من غير ما تحط أي حسابات تانية او اكونتات على جهازك، أما الحسابات فهي عبارة عن ايميل وباسورد بتحطهم كيوزر او مستخدم عندك على الجهاز ، لو مشتري كود ومش عارف تفعله انزل تحت خالص في اخر المقالة هتلاقي الطريقة، أما بالنسبة للحسابات ..

فالإكسبوكس فيه 3 أنواع من الحسابات، حساب Full و حساب Home و حساب Sign in ، والفرق ما بينهم كالتالي :

Full account

ده اكونت كامل بتقدر تغير بياناته و تمتلكه تماما بدون مشاركة مع حد، و تقدر تشاركه بنفسك مع صديق
بيكون عبارة عن
home account
sign in account

اكونت الـSign In

لازم يكون الجهاز متصل بالانترنت ويتعمل ساين إن او تسجيل دخول بالاكونت عشان تقدر تلعب ومش شرط تلعب من نفس الاكونت، ممكن عادي تلعب من اي اكونت عالجهاز ولكن بعد ما بتدخل على الاكونت نفسه الخاص باللعبة أو الإشتراك، وبعدها تقدر تحول أو تعمل Switchعلى اكونتك الاساسي.

أكونت الـ Home

بتقدر تلعب بيه سواء متصل أو غير متصل بالانترنت من اي اكونت موجود على الجهاز بدون ما تضطر كل مرة تعمل sign in او تسجيل دخول على الاكونت نفسه.

ازاي تضيف الاكونت على الجهاز، و تعمله هوم ؟؟

1- دوس Add new

2- هيظهرلك خانة تحط فيها الايميل والباسورد زي ما واضح في الصورة.

3- بعد ما تسجل دخول ، ممكن تظهر ليك رسايل زي كده اعملها Skip دوس لا او تخطي.

4- أهم خطوة بعد ما تدخل خلاص على الاكونت، ادخل على Setting (الإعدادات) بعد كده General (عام)  بعد كده  Personalization (التخصيص)  بعد كده My Home Xbox (جهاز Xbox الرئيسي) وعلم على make this account home زي ما واضح في الصورة. وكده خلاص الاكونت اتعمل هوم .. اهم حاجة تحذفه من الجهاز بعدها وتلعب بحسابك الشخصي أو اي حساب تاني عندك على الجهاز. 

5- عشان تحذف الاكونت ، ادخل على الاعدادت زي ما واضح في الصورة ودوس remove accounts وبعد كده اختار الحساب اللي عملته هوم ودوس remove.

6- ازاي تلاقي اللعبة اللي على الاكونت وتحملها، ادخل على My Games & Apps بعد كده Full Library بعد كده  All Owned Games (لو شاري أكونت لعبة) أما لو مشتري أكونت اشتراك ادخل على نوع الاشتراك زي  ما واضح في الصورة وهتلاقي ألعاب الإشتراك جاهزة للتحميل.

وهنا الطريقة لو استلمت مننا كود ومش عارف ازاي تفعله على حسابك:

1- هتحمل برنامج اسمه Free vpn من ستور الموبايل وده لينك تحميله سواء للاندرويد أو الايفون، وده عبارة عن برنامج vpn مجاني، هتختار الدولة اللي الكود تبعها، بالنسبة لإزاي تعرف الكود تبع انه دولة ، بتلاقي اسم الدولة مع الكود اللي بنبعته ليك على الايميل .. وأنصحك متستخدمش برنامج VPN تاني غير ده عشان الكود يتفعل معاك.

رابط تحميل البرنامج

https://play.google.com/store/apps/details?id=org.freevpn

https://apps.apple.com/us/app/free-vpn-by-free-vpn-org/id1050171910

2- هتدخل على موقع الاكس بوكس من الرابط ده

https://redeem.microsoft.com

وتكتب الكود في المستطيل اللي هيظهرلك وتفعل الكود بس تكون متأكد أن الـ vpn شغال ومتصل بالدولة اللي منها الكود قبل ما تكتبه وتفعله، لو جابلك لسه error code ومتفعلش فشوف الطريقة التالتة.

3- اتأكد ان ريجون الحساب نفسه مش معمول Egypt ، هتعرف ازاي .. ادخل على اللينك ده https://account.microsoft.com/profile وبعدها سجل دخول بحسابك وهيظهر عندك region او المنطقة التابع ليها الحساب، أفضل حاجة خليها USA وبعد كده اعمل Save واستنى دقيقة او اتنين واعمل اعادة تحميل للصفحة واتأكد أن الريجون اتغير وبعد كده ارجع للخطوتين اللي فاتوا وفعل الكود وهيشتغل معاك.