أنواع الأكونتات واستخداماتها على أجهزة العاب الأكس بوكس

لو بتتعامل مع أجهزة الألعاب xbox ، هتلاقي فيه كذا نوع من الأكونتات، وكل نوع ليه طريقة استخدام معينة. هنا هنشرح الأنواع دي بشكل مبسط عشان تبقى عارف إيه اللي يناسب احتياجاتك:

1. الكود

الكود ده عبارة عن رمز بتستلمه وبيستخدم مرة واحدة بس. بمجرد ما تشحنه على حسابك، بيديك حاجة من الحاجات دي:

• اشتراك في خدمة معينة زي أونلاين أو مكتبة ألعاب.
• فلوس تقدر تشتري بيها ألعاب أو إضافات.
• لعبة أو إضافة تنزل مباشرة على الحساب بعد شحن الكود.
  الميزة في الكود إنه سهل وسريع، وكل اللي عليك إنك تشغله مرة واحدة. في بعض الأحيان في الأشتراكات او الألعاب هاتحتاج VPN عشان تشحن الكود. ممكن تستعين ببرنامج زي Seed4me وممكن تبعتلنا نشحنهولك.

2. الحساب الكامل (Full Account)

ده النوع الوحيد اللي بتكون مالكه بالكامل، وبتقدر تتحكم فيه بشكل كامل.

المميزات:

• تقدر تغير اليوزر والباسورد بكل حرية.
• ممكن تعمل عليه هوم وساين إن بنفس الوقت.
• كمان لو حبيت، ممكن تشاركه مع صديقك.
  باختصار، الحساب الكامل هو الأنسب لو عايز كل الصلاحيات والتحكم الكامل في الحساب.

3. الحساب الأساسي (Home Account)

الحساب الهوم بيتفعل على جهازك مرة واحدة من إعدادات الجهاز.

طريقة الاستخدام:

• بتفعله لأول مرة وتحمل اللعبة اللي عايزها.
• بعد ما اللعبة تخلص تحميل وتظبط كل حاجة، يفضل تمسح الحساب من الجهاز لأنك مش هتحتاجه تاني وعشان ماتقاطعش اللي معاه حساب تسجيل الدخول.
• اللعبة اللي حملتها هتشتغل على الجهاز سواء كنت متصل بالنت أو لا الا لو اللعبه نفسها تتطلب الأتصال بالنت.
• خطوات تفعيل حساب Xbox كحساب رئيسي (Home Account)

إذا كنت عايز تخلي حساب Xbox بتاعك الحساب الرئيسي على الجهاز، اتبع الخطوات دي:

1. 1. شغل جهاز Xbox وسجل الدخول بالحساب اللي عايز تخليه الحساب الرئيسي.
   2. اضغط على زر Xbox في يد التحكم عشان تفتح القائمة الجانبية.
   3. ادخل على الإعدادات (Settings).
   4. من الإعدادات، اختر التخصيص (Personalization).
   5. تحت التخصيص، اختر My Home Xbox (جهاز Xbox الرئيسي).
   6. اضغط على Make this my home Xbox (اجعل هذا جهازي الرئيسي)، وأكد الاختيار.
   7. كده الحساب اتفعل كـ”Home Account” على الجهاز.
   8. بعد ماتفعل الجهاز هوم لو انت شاريه هوم بس امسحه عشان ماتقاطعش اللي معاه الساين ان

4. حساب تسجيل الدخول (Sign in Account)

ده نوع الحساب اللي لازم يكون موجود على الجهاز ومتصل بالنت عشان تقدر تستخدمه.

طريقة الاستخدام:

• بتنزل الحساب على جهازك وتحمل اللعبة من مكتبة الألعاب.
• كل مرة تحب تلعب اللعبة، لازم الحساب يكون مفتوح والجهاز متصل بالنت.
• تقدر تلعب من أي حساب على الجهاز، لكن الأفضل تلعب من حسابك الشخصي عشان التقدم في اللعبة يتحفظ عليه.

الخلاصة

فهمك لأنواع الأكونتات واستخداماتها هيساعدك تختار اللي يناسبك وتستمتع بأفضل تجربة على جهازك. سواء كنت عايز تحكم كامل، أو مجرد تحميل لعبة بسرعة، كل نوع ليه مميزاته.