شرح لنظام شير الالعاب الجديد من ستيم او الـ Steam Family Share

نظام شير الالعاب الجديد من ستيم لحد دلوقتي ما زال في البيتا متوفرش للكل بشكل رسمي عشان تفعله ادخل على الاعدادات في ابلكيشن ستيم على البي سي زي في الصورة فوق ، بعد كده خيار Interface بعد كده خيار Client Beta Participation واختار Steam Family Beta وهيطلب منك ريستارت بعدها للابلكيشن أول ما يفتح تاني تقدر تدخل على الاعدادات بعد كده family بعد كده هتلاقي خيار انك تنشئ family ليك او تدخل على family تبع حد (عن طريق انه يبعتلك انفيت لو انتوا الاتنين اصدقاء في ستيم).

الـ family تقدر تشيل لحد 6 حسابات ، والحسابات ليها نوعين داخل الـfamily ياما adult وده الحساب العادي او الـchild وده بتقدر تحدد ليه صلاحيات محدودة عن الـadult .

نظام الشير القديم في ستيم مكنش بيسمح انك تشارك مكتبة العابك غير مع حساب واحد ولو انت فاتح اونلاين ، الحساب اللي انت مشير معاه مش هيعرف يستفيد من مكتبتك لحد ما تخلص وتقفل .

الجديد في نظام الشير دلوقتي ان كل الحسابات الستة داخل الفاميلي يقدروا يشيروا مكتبة العابهم مع بعض حتى لو كلهم فاتحين في نفس الوقت باستثناء طبعا ميكونوش بيحاولوا يشغلوا نفس اللعبة ، لان دلوقتي ستيم بينبهك لو في لعبة عايز تلعبها وفي حد من حسابات الفاميلي مشغلها انك مش هتقدر تشغلها غير لما اليوزر التاني يقفلها الاول من عنده وكمان تقدر تشغل العاب الشير اوفلاين مش شرط تكون اونلاين دايما.

يعني ببساطه لو واخد لعبه اوفلاين شير .. افصل النت والعب براحتك وبعد كده ارجع وصل النت تاني .. هاتلعب بدون اي مشاكل

طبعا كل حساب من الـستة داخل الفاميلي له saves و achievements خاصة بيه ومنفصلين عن باقي الحسابات اللي في الفاميلي ، فيقدر عادي يلعب من حسابه الشخصي اللي داخل بيه في الفاميلي كأنه شاري اللعبة عليه.

نيجي لأهم سؤال دلوقتي لو خرجت من الفاميلي ايه اللي بيحصل ؟؟

اولا اي يوزر Adult يقدر يحذف نفسه واي حد تاني معاه في الفاميلي ( حتى الشخص اللي مكريت الفاميلي يقدروا اللي معاه يحذفوه في اي وقت من الفاميلي ( مع انه هو اللي كريتها ودخلهم :D) ، لو حد خرج من الفاميلي (سواء قرر يخرج بنفسه او اتحذف بالغلط) يقدر عادي يرجع لنفس الفاميلي اللي كان فيها ده لو كان عدد الافراد فيها لسه اقل من 6 ، لكن لو حبيت تدخل او تكريت فاميلي جديدة لازم تستنى سنة واحدة (بتتحسب من تاريخ دخولك او إنشائك للفاميلي القديمة اللي كنت فيها).

برده نقطة مهمة اخيرة لازم نذكرها انه لو لا قدر الله لو في حساب في الفاميلي خد بان غش بأي لعبة من ستيم ، بقية الحسابات اللي في الفاميلي بتاخد معاه برده بان معاه فنخلي بالنا .

نظام الفاميلي شير ممكن تستفيد بيه علي اي جهاز عليه ستيم .. سواء كان ستيم ديك او اي لاب , بي سي او handled console شغال بنظام ويندوز وعليه ستيم.

احنا حاليا بنوفر الألعاب علي نظام الشير في موقعنا .. الأكونت اللي بتاخده بيكون ملكك بس طول العمر وعليه ضمان استبدال لو في اي مشكله في الحساب نفسه .. يعني معانا فلوسك مضمونه وفامان .. اضغط هنا عشان تشوف مكتبه اللعب المتاحه.

ملحوظه: النظام دا مازال في المرحله التجريبيه .. احنا ابتدينا نطبقه ونجرب معاكو عشان نوصل لأفضل واقل اسعار مقابل افضل خدمه.