أنواع حسابات PlayStation واستخداماتها

لو بتتعامل مع أجهزة PlayStation سواء PS4 أو PS5، هتلاقي فيه كذا نوع من الحسابات، وكل نوع ليه طريقة استخدام معينة. هنا هتلاقي شرح بسيط لكل نوع وكمان خطوات تفعيل الحساب برايمري على الفور والفايف.

أنواع حسابات PlayStation

1. الحساب الكامل

الحساب الكامل هو النوع الوحيد اللي بتملكه بالكامل، سواء كـ”برايمري” أو “سكندري”.

مميزاته:

• تقدر تغير اليوزر نيم والباسورد بحرية.
• التحكم الكامل في الحساب واستخدامه بالطريقة اللي تعجبك.
• ممكن تشاركه مع صديقك لو حبيت.

2. الحساب البرايمري لجهاز PlayStation 5

ده حساب بتفعله كـ”برايمري” على جهاز PS5 بتاعك.

طريقة الاستخدام:

• فعّل الحساب كـ”برايمري” على جهازك.
• حمّل اللعبة من مكتبة الألعاب.
• اخرج من الحساب وقفله تماماً.
• تقدر تلعب اللعبة من أي حساب تاني، سواء الجهاز واصل بالنت أو لا.
• على جهاز PlayStation 5
  1. افتح جهاز PS5 وسجل الدخول باستخدام الحساب اللي عايز تفعل عليه برايمري.
  2. من القائمة الرئيسية، ادخل على الإعدادات (Settings).
  3. اختر المستخدمين والحسابات (Users and Accounts).
  4. ادخل على إعدادات المشاركة والبرايمري (Other/Console Sharing and Offline Play).
  5. اختر تمكين (Enable).
  6. خلاص كده الحساب بقى برايمري على جهازك.

ملحوظة: الحساب ده ماينفعش تستخدمه على جهاز غير PlayStation 5.

3. الحساب البرايمري لجهاز PlayStation 4

ده حساب بتفعله كـ”برايمري” على جهاز PS4 بتاعك.

طريقة الاستخدام:

• فعّل الحساب كـ”برايمري” على جهازك.
• حمّل اللعبة من مكتبة الألعاب.
• اخرج من الحساب وقفله تماماً.
• تقدر تلعب اللعبة من أي حساب تاني، سواء الجهاز واصل بالنت أو لا.
•  كيفيه تفعيل الحساب برايمري علي جهاز PlayStation 4
  1. افتح جهاز PS4 وسجل الدخول باستخدام الحساب اللي عايز تفعل عليه برايمري.
  2. من القائمة الرئيسية، ادخل على الإعدادات (Settings).
  3. اختر إدارة الحساب (Account Management).
  4. اختار تفعيل كجهازك الأساسي (Activate as Your Primary PS4).
  5. اضغط على تفعيل (Activate).
  6. خلاص كده الحساب بقى برايمري على جهازك.

ملحوظة: الحساب ده ماينفعش تستخدمه على جهاز غير PlayStation 4.

4. الحساب السكندري

الحساب السكندري بيتحط على جهازك بدون ما تفعله كـ”برايمري”.

طريقة الاستخدام:

• نزّل الحساب على جهازك.
• تأكد إنه مش متفعل كـ”برايمري”.
• حمّل اللعبة من مكتبة الألعاب.
• اللعب يكون من الحساب ده بس، ولازم الجهاز يكون واصل بالنت.

ملحوظة: في بعض الألعاب زي FIFA وPES تقدر تلعبها من أي حساب تاني على الجهاز.

5. الكود

الكود هو رمز بتشحنه على حسابك عشان تحصل على رصيد أو اشتراكات.

طريقة الاستخدام:

• شحن الكود على حسابك.
• استخدم الرصيد في شراء الألعاب أو الاشتراكات.
• اتأكد إن دولة الكود متطابقة مع دولة حسابك قبل الشراء.

ملحوظة مهمة

كل حساباتنا شرعية ومدفوعة بأموال حقيقية بأقل هامش ربح. شركتنا موثقة ببطاقة ضريبية وسجل تجاري، وهدفنا هو راحتك وإنك تستمتع بأفضل تجربة لعب.