مراجعة بيتا Halo Infinite

مراجعة بيتا Halo Infinite Multiplayer المبدأية
المتعة في ابهى معانيها

ببساطة لعبة Halo كانت وستظل تتربع على عرش الـFirst Person Shooter لما تقدمه من اساليب وميكانيكس تمكن اللاعب خوض تجربة ممتعة عادلة وساحرة وتحترم اللاعبين
وفي السطور القادمة هنعرف ليه اللعبة ممتعة وعادلة وساحرة وتحترم اللاعبين

اسلوب القتال

هيلو بتعمد على المواجهة وليس القتل السريع، وعشان كده هتلاقي ال Time to Kill بيطول شوية، وده بيديك فرصة انك ترد وتضرب نار على اللي بيضربك، وده بيخلق نوع من المنافسة العادلة، مش شرط اللي ضرب الاول هو اللي يقتل، كمان ده ليه تفسير في القصة وهو اننا بنلعب بجنود بفرقة سبارتنز المدرعين، الدروع دي بتحميهم من الطلقات وباقي التهديدات
كمان هيلو بتعمد على الحركة وليس فقط اطلاق النار، تقدر تقفز قفزة كبيرة وتطلق النار من فوق، تقدر تتزحلق وكمان تقدر القتال بالايد مهم جدا، يعني بسبب طول ال Time to kill بيحصل تلاحم كتير وفي اوقات كتير بينتهي التلاحم ده بالقضاء على الخصم بضربة يد قوية،

بما ان اللعبة تنافسية في المقام الاول، فميش loadout الكل بينزل بنفس الاسلحة، وده بيزود من اللعب العادل، طبعا في اسلحة تانية كتير، وبتكون قوية جدا بس موجود على الارض في الخريطة، وديما الفريق اللي بيعرف يستحوذ عليها الاول بيقلب المعركة لصالحه، الاسلحة دي متنوعة زي (قاذفات صواريخ- قناصة- سيف- مطرقة- مدفع ليزر) وغيره الكثر
كمان في معدات مساعدة بتكون على الارض برده في خريطة المعركة، المعدات دي بتضيفلك قدرات خطيرة زي (الاختفاء- درع اضافي- الانداع السريع- القاء حائط للاحتماء خلفه- او خطاف للتنقل زي باتمان) كل المعدات دي مش بتقتل ولكنها بتساعدك في التنقل او القتل لو عرفت تستخدمها صح

كمان لازم نذكر ان القنابل في اللعبة مهمة جدا، ايدك ورجليك زي ما بيقولوا، انت بتشيل اكثر من قنبلة، وبتدب بقى في خصومك بالقنابل، وطبعا انواع القنابل مختلفة، ففي ال frag grenade المعروفة، وفي قنبلة Plasma ودي بتلزق على الاسطح والخصوم، ولو لزقت في واحد خلاص كده هو مات، وفي قنابل الكهربا وغيره انواع كتير

اسلوب القتال نفسه بين الجري والتنشين والضرب واطلاق النار والقفز والاختباء، سلسل وممتع، وسواء كنت بتلعب بالكنترولر او بالماوس، فاللعبة بترحب جدا بجميع اللاعبين، هتلاقي نفسك اول مابتعرف الزراير ايه، هتلاقي نفسك بتعرف تلعب وتقتل، وكمان هتقدر بسهول تسوق المركبات القتالية المختلفة من طيارات ودبابات
وفوق كل ده اللعبة بتديلك فرصة الاحتراف، لأن فيها ميكانيكس عميقة جدا، تقدر تسغلها عشات تبقى افضل لاعب في الماتش، بجد اللعبة ادمانية لأبعد درجة وومتعة للغاية

المحتوى

لعبة هيلو تقريبا اضخم لعبة ملتي بلاير شوتر تنافسية موجودة، اولا هي بتقدملك طورين ريئسيين وهم Ranked وUnranked وزي ماهو واضح الاول هيبقى ليك تصنيف وهتواجه منافسة شديدة، او الثاني فهي للمتعة
بس مش كل حاجة فسواء بتلعب Ranked او Unranked ففي مودين اساسيين بينبثقوا منهم وهم Big Team Battle و Quick Play، الاولاني اللي هو Big Team Battle واللي اختصاره BTB ده تحس انه Battlefield عشان الماتش بيكون فيه 12 ضد 12 وبتكون الخريطة كبيرة وبتبقى مدعكة حرفيا، لأن بيكون في دبابات وعربيات وطيارات ومعدات حرب كتيرة، اما بقى ال Quick Play فده بيكون 4 ضد 4 او بالكتير 5 ضد 5 ، وده تنافسي اكتر ومش بيكون فيه دبابات او عربيات قتالية، والخريطة بتكون صغيرة

بس انت رايح فين ده مش كل حاجة لسة XD ، سواء كنت بتلعب BTB او Quick Play ففي انواع مختلفة من المعارك واللي هنوضحهم كما يلي
1- مود Slayer وده عامل زي Deathmatch الفريق اللي بيقتل اكتر بيكسب
2- مود Capture the Flag وده مطلوب منك تاخد راية فريق الخصم وتحطها في القاعدة بتاعتك
3- مود Oddball وده المود المفضل بالنسبالي، وعبارة عن جمجمة اللي الفريق اللي بيفضل شايلها اكتر بيكسب
4- مود Stronghold وده شبه Conquest بتاع باتلفيلد في 3 اماكن A B C والفريق اللي يحتلهم يكسب
5- مود Stockpile وده عبارة 5 معدات طاقة الفريق اللي بيجمعها ويحطها في قاعدته يكسب
زي ما انتو شايفين انواع لعب كتير، ودول بس اللي في البيتا، لسة في هيلو انواع لعب كتيرة منزلتش، واكيد هتتوفر مع يوم اطلاق اللعبة يوم 8 ديسمبر المقبل

كمان متاح كاستم ماتش وده بقى انت بتشكل عايز تلعب ايه وكام نقطة عشان تكسب، واحلى حاجة فيه انك ممكن تلعب مع صحابك، تقسموا نفسكم 4 ضد 4 لحد 14 ضد 14 وتلعبوا سوا وتقضوا وقت جميل جدا، وانا بالفعل عملت كده مع اصدقائي وفضلنا نلعب بالساعات وكانت لحظات جميلة جدا كلها ضحك

كمان عند حاجة عظيمة جدا اسمها Theater وده لوحده بيحتفظ بكل الالعاب اللي لعبتها، يعني خلصت جيم متقلقش تقدر تخش المسرح، وتشوف كل الماتشات، وتتفرج على نفسك وتوقف عند اي حتة وتسجل صور او فيديوهات، كمان ينفع تتفرج على كل واحد في الماتش ده كان بيلعب ازاي، ودي حاجة حلوة جدا، لان في اوقات كتيرة بتكون عملت حركات حلوة في ماتش ما ومتعرفش تسجلها في وقتها

الحاجات المنتظرة وقت نزول اللعبة كاملة

1- أول حاجة لازم يخلونا نرجع نقدر نختار نوع الماتش اللي هنلعبه سوا كان Slayer اوCTF أوStronghold وغيره
2- اضافة مستوى تقدم منفصل عن المواسم وبيقيس مدة ومهارت لعبك العامة بطريقة تراكمية لكل العابك
3- طبعا هما قالو ان طور الForge صنع الخرائط هيتأخر بس احنا عايزينه ينزل بسرعة باي طريقة
4- عايزين كمان يضيفوا باقي المودات زي infection و King of the hill وغيره

ببساطة هالو فيها كل حاجة انت عايزها من لعبة ملتي بلاير شوتر تنافسية، وفوق كل ده اللعبة مجانية فانت مستني ايه يلا خش على ستيم او الاكس بوكس وحملها

التقييم النهائي
9/10