إن أسم Dragon Ball أسم يعني الكثير بالنسبالي عندما كنت مراهق وحتى لما أصحبت شاباً. بالرغم كده بقالي فترة ملعبتش لعبة Dragon Ball  عشان شايف أن أغلب ألعاب دراجون بول الحالية ألعاب جودتها ضعيفة ومجرد أستغلال للاسم الكبير ده عشان تبيع وخلاص.ولكن لما عرفت أن سلسلة Budokai Tenkaichi رجعت تاني بعد غياب كبير بجزء جديد بأسمDragon Ball: Sparking! Zero، فرحت جدا بعودة لعبة القتال دي، ولكن بقى لما لعبتها وكأنني أضربت بقنبلة من الحنين إلى الماضي -النوستاليجا- والدليل على ذلك هي الابتسامة العريضة على وجهي اثناء تنفيذي للضربات المدمرة على خصومي

ولكن Dragon Ball Sparking Zero هي لعبة أكثر من مجرد حنين إلى الماضي. فهي لعبة مليانة بميكانيكات جديدة، واسلوب جديد تمامًا لطور القصة. وكمان مجموعة من المميزات المثيرة الأخرى. فيا عشاق Goku وVegeta ينتظركم الكثيرة من اللحظات الجميلة.

نبذة عن اللعبة

لعبة Dragon Ball Sparking Zero هي لعبة فايتنج – قتال مصارعة-  وهي الجزء الرابع من سلسلة Budokai Tenkaichi بتركز على تقديم حلبات قتال ثلاثية الأبعاد يعني بتتحرك في كل الاتجاهات على عكس ألعاب مثل Mortal Kombat أو Street Fighter. ولكن للاسف الأمر ده بيخلي ضرباتك مش دقيقة وخصوصاً انك ديما في الهواء طاير. أصلا المعركة كلها في الهوا 😀 وكلها ضرب في ضرب وزعيق وحزق Xd.. بس يظل أحلى حاجة هي أستخدام الكايوكين والقضاء على اعدائك

بتعتمد اللعبة على بناء مقياس كاي KI الخاص بكل مقاتل عشان تقدر تنفذ مجموعة من الحركات الخاصة زي  Power Guard، واللي  بتقلل الضرر اللي ممكن تتلقاه. كمان من خلال مقياس KI تقدر تعمل قدرات تدعى Blast 2. تتمتع كل شخصية بمجموعة فريدة من مهارات Blast 2 . واللي بتسمح للشخصية باستخدام حركات خاصة مثل انفجارات كاي وشحن الجسم بالطاقة (الكايوكين)

تتمتع الشخصيات برده بمقياس رقمي تاني بيتم إعادة شحنه ذاتيًا أسمه Blast Stock . ومن خلاله تقدر تستخدم مهارات Blast 1 . في الغالب بتكون مهارات Blast 1 ليها تأثير داعم. زي استعادة الصحة أو شل حركة العدو

تقدر كمان تعزز قوتك في وضع يسمى Max Power Mode عادةً عن طريق بناء كاي الخاص بك بما يتجاوز الحد الأقصى على حساب بار الـ Blast Stock . د وضع Max Power بيخلي  أسرع وأقوى وقادرة على استخدام الحركات الحصرية لهذا الوضع. إحدى هذه الحركات هي Ultimate Blast واللي بتكون أقوى حركة تمتلكها الشخصية، ولكن خد بالك أن استخدام أي مهارة من مهارات Blast 2 أو Ultimate Blast بتنهي وضع Max Power على الفور.

أسلوب اللعب

بتحتفظ اللعبة بنفس أسلوب الأجزاء القديمة من القتال وده اللي شرحناه فوق، ولكن في نفس الوقت أضافت اللعبة ميكانيكات جديدة قدمت المعارك بشكل أفضل واسرع:

Skill Count– وده رقم بيرتفع مع تنفيذك للحركات أثناء المعركة، بعد كده بتنفقه لتفعيل قدرات خاصة

Short Dash– ودي قدرة تتيح لك التحرك بسرعة البرق. واللي ممكن تستفاد منها جدا في تفادي هجوم الخصم باندفاعة قصيرة. كمان تقدر من خلالها تعمل هجوم مشحون مصحوب بانفجار كاي (KI Blast)، وبرده ممكن تربطها باندفاعة التنين عشان تعمل حركة ضخمة مدمرة في ضربة واحدة

Revenge Counter– ودي تقنية تتيح ليك الرد أثناء تعرضك للضربات من خصمك. يعني هي حركة بتخليك تقدر تهاجم اثناء الدفاع زي ما حصل في القصة الأصلية لما كانت الشخصيات بتشن هجوم حتى أثناء تعرضها للضرب.

Super Perception– حركة بتخليك تعمل counter attack ضد هجمات مختلفة حتى لو كانت انفجار كاي.

Vanishing Assaults– قدرة بتخليك تتقرب في العدو على الفور عشان تضربه في اللحظة والتو.

احلى ما في اللعبة هي منظر المعارك والدمار اللي بيحصل في المكان حواليك بسبب قوة الضربات. شكل هالات الطاقة خصوصاً الكايوكين حلو أوي. وكمان جميع الضربات بالشعاع، والهجمات السريعة، كلها مناظر مزهلة. وكله كوم والضربات النهائية اللي بتدمر الكواكب دي كوم تاني.

محتوى اللعبة

اللعبة بتضم 182 شخصية، متجاوزة بكده الجزء الثالث، بس طبعاً العدد ده شامل النسخ المختلفة لكل شخصية.  كمان بتوفر اللعبة في الأطلاق 12 حلبة متنوعة ومأخوذة من عالم قصة اللعبة، واحلاهم في رأيي هي حلبة Island ممكن عشان مرتبطة بالنوستاليجا

اللعبة بتقدم نوعين مختلفين من أسلوب التحكم. قياسي: وده الاسلوب اللي بتوصي بيه اللعبة. وكلاسيكي: ودي بتقدم تحكم مماثل للي كان موجود في الاجزاء القديمة.

أما بقى بالنسبة لأطوار اللعب، فاللعبة مظبطانا بصراحة وعندنا كل ما يأتي في اللعبة:

Episode Battle-1

ده بقى طور القصة، واللي بتخليك تقدر تلعب بثمان شخصيات مختلفة من قصص Dragon Ball. في كل مرحلة، هيكون في مشهد سينمائي قبل الدخول مباشرة في المعركة. والمعارك دي جاية من أنمي Dragon Ball Z وDragon Ball Super. بعض المشاهد دي بتكون من منظور الشخص الأول عشان تقدملك تجربة غامرة أكثر. من الجميل برده هو أنك ممكن تعمل بعض الأختيارات في القصة الأصلية عشان تسمحلك اللعبة بتغيير نتيجة القصة ، ولكن متنتظرش نهايات كبيرة مختلفة. والثمان شخصيات هم:

Custom Battle-2

ده وضع تاني حلو برده، لأنه بيخليك تخوض معارك أصلية حصلت في الأنمي بنفس المواقف الأصلية اللي حصلت بس ممكن تعدل في قوة الشخصيات، مثل الصحة والقوة، وبعدها ممكن ترفع المعارك دي على الانترنت ليتمكن اللاعبون الآخرون من تجربتها.  كما توجد بعض المعارك اللي بتتميز بظروف انتصار مختلفة، وبعضها يحتوي على مشاهد سينمائية بتشتغل أثناء المعركة.

Battle Mode-3

وده بقى طور قتال أوفلاين واونلاين، هتواجه اللاعبين عبر أوضاع اللعب المختلفة وظروف النصر مختلفة.  ومفتوح فيها جميع الشخصيات، وممكن برده تلعب مع اصدقائك على نفس الجهاز من خلال ميزة الـ Split Screen.

Ranked Match-4

ودي بقى باين من أسمها دي مباريات أونلاين تنافسية. بس طبعاً بيكون فيه شروط وقيود معينة عشان توفر التوازن المطلوب . كمان فيها Leaderboards عشان ترتيب الناس حول العالم.

Tournament Mode-5

في الوضع ده تقدر تنشيء بطولة عبر الإنترنت أو الانضمام إلي بطولة موجودة بالفعل مع منافسين من جميع أنحاء العالم. وممكن تلعب البطولة أوفلاين عادي.

التقييم النهائي

8/10