حقائق عن سلسلة Assassin’s Creed

سلسلة Assassin’s Creed هي واحدة من أهم عناوين شركة Ubisoft، واللي بنتمنى أنها متنتهيش أبداً، لأن السلسة مميزة جداً باعتمادها على شخصيات وأحداث حقيقة في التاريخ، واللي تعتبر اللعبة الوحيدة اللي بتقدم النوع ده من الألعاب.

في بداية مشروع اللعبة، كان من المقرر أن اللعبة هتكون جزء جديد من سلسلة Prince of Persia باسم Prince of Persia Assassin، واللي كانت بتحكي عن الحارس الشخصي لأمير عربي، في رحلته إلى القدس، ولكن الشركة استغنت عن الفكرة وخلوها لعبة جديدة تماما بقصة وأحداث مختلفة.

بدأ المشروع بعدد قليل جداً من المطورين، واللي كانوا عشرة بس، ومن ضمنهم كان سته أشتغلوا قبل كده على لعبة Prince of Persia The Sands of Time، ولكن مع مرور الوقت الشركة أستثمرت أكتر في اللعبة، و وصل عدد المطورين ل120 شخص.

قصة اللعبة كانت بتدور أحداثها في القرن ال12، في فترة الحروب الصليبية في بلاد الشام، والشخصية الأساسية في اللعبة هي شخصية عربية، واسمه الطائر ابن لا أحد، وكمان اسم السلسة الAssassin مأخوذة من اسم جماعة الحشاشين.

جماعة الحشاشين الحقيقية هي طائفة إسماعيلية، كان مؤسسها هو حسن الصباح او شيخ الجبل، وكانوا موجودين في الشام، ولكن مقرهم كان في قلعة آلموت في بلاد فارس، اغتالوا شخصيات مهمة من زعماء مسلمين او صليبيين على مدار 3 قرون، وقصة اللعبة مقتبسة من الطائفة دي ولكن بتغيرات في الفترات الزمنية.

شخصية المعلم من لعبة Assassin’s Creed هي مقتبسة من شخصية سنان بن سلمان بن محمد، المعروف برشيد الدين سنان، واحد من أعظم رؤساء الحشاشين في سوريا، وهو اللي أمر قبل كده بأغتيال القائد صلاح الدين الايوبي، ولكن مقدرش مع انه حاول أكتر من مره، لدرجة أن صلاح الدين كان بينام في برج عالي مليان حراس، من كتر محاولات الحشاشين لإغتياله.

في إعلانات اللعبة كنا بنشوف أن الطائر كان معاه سلاح القوس والسهم، موجود على ظهره، ولكن في اللعبة النهائية مكنش السلاح ده موجود في اللعبة، والسبب كان أن القوس والسهم سلاح مكنش لسه تم إختراعه في الفترة دي، وأول مره شوفنا فيها سلاح القوس والسهم كانت في لعبة Brotherhood.

آلة الanimus فكرتها مقتبسة من نظرية الطبيب النفسي carl jung، واسمها collective unconscious، واللي بتقول أن العقل اللاوعي ممكن أنه يشارك الأفكار والذكريات مع ناس تانية.

في كذبة أبريل لسنة 2007، شركة Ubisoft والمطور الشهير Kojima، عرضوا فيديو فيه دمج ما بين لعبة metal gear solid و Assassin’s Creed، وفي الأخر طلع أنه هو skin شخصية Assassin، تقدر تستخدمه في لعبة metal gear solid 4.

على الرغم من أن السلسة ممكن تكون مش متتابعة في الأحداث، ومش مقتصرة على شخصية واحدة، ولكن كل من الجزء الثاني والتالت وrevelation كانت بنفس الشخصية وهي شخصية Ezio المحبوبة، والتلت أجزاء دول كان تركزهم على الانتقام بشكل كبير، في رحلة طويلة في إيطاليا.

الشخصية الأساسية للسلسة Desmond Miles مستوحاه من عارض الأزياء الفرنسي Francisco Randez، ولكن المؤدي الصوتي للشخصية هو المؤدي الشهير Nolan North، المشهور بشخصية Nathan Drake من سلسلة ألعاب Uncharted.

في لعبة The Witcher 2 في مكان في اللعبة هتلاقي فيه Assassin ميت، مات من نطت الAssassins المشهورة leap of faith، وعلق شخصية Geralt وقال: “عمرهم ما هيتعلموا”.

في علاقة نسب ما بين Connor و Haytham Kenway من Assassin’s Creed 3 و Edward Kenway  من Assassin’s Creed black flag، بحيث أن Haytham هو ابن Edward، و Connor هو ابن Haytham Kenway.

بعد نجاح مهمام السفن في Assassin’s Creed 3، شركة Ubisoft استغلت النجاح ده ونزلت جزء مبني بشكل أساسي على السفن، وهو Assassin’s Creed black ،Flag وكانت بتدور أحداثها في العصور الذهبية للقراصنة، واللي قصة الجزء ده تم اقتباسها من روايات كتيرة زي A general history of Pyrates وكتاب Republic of Pirates.

لما تكون في مقر abstergo، هتجيلك موظفة وهتقولك أن رئيس مصانع abstergo اللي اسمه Olivier Garneau، كان عنده إجتماع في Chicago ولكن لسه مرجعش لحد دلوقتي، وفي الجانب الآخر في لعبة Watch Dogs، في مهمة بيتطلب منك إختيال شخصية اسمها Olivier Garneau، وده طبعا بيفسر عدم رجوعه لحد دلوقتي.

إضافة The Dead Kings في لعبة Assassin’s Creed Unity، كانت مجانيه لكل الناس، وكانت بمثابة إعتذار للاعبين من البداية الكارثية للعبة.

لعبة Assassin’s Creed Unity كانت أكتر لعبة فيها مشاكل تقنية في السلسلة، والمشاكل دي كانت سبب في تشويه صورة السلسة بشكل كبير، واللي خدت أقل تقييم من اللاعبين في السلسلة كلها، ولكن شركة Ubisoft نزلت تحديث عشان يعالج المشاكل دي وكان حجمه 40gb، واللي يعتبر أكبر تحديث في تاريخ الألعاب.

بالرغم أن لعبة Assassin’s Creed Unity تعتبر الأسوء في السلسلة، ولكنها ساعدت بشكل كبير في ترميم معلم كاتدرائية نوتردام، بعد ما تحرق منه جزء كبير خلال عمليات إصلاحية في سنة 2019، وكانت اللعبة مرجع ممتاز للبنائين، وده طبعا بسبب دقة تصميم المعلم جوا اللعبة.

لعبة Assassin’s Creed Rouge كانت أول جزء في السلسلة، البطل الرئيسي هو من الTemplars، واللعبة نزلت في نفس وقت نزول Assassin’s Creed Unity، ولكن كانت لعبة Rouge لجيل الXbox 360 والPS3، وكانت Unity مخصصة لجيل الXbox one والPS4.

لعبة Syndicate هي الجزء الاول في السلسلة اللي كانت الشخصية الأساسية أتنين مش واحد بس، وكانوا التوأمين Jacob و Evie Frye، وكان من المفروض أنك كنت تبدل ما بينهم بحرية في اللعبة، ولكن خلوا لكل شخصية مهام خاصة بيها، عشان يكون فيه تنوع في التجربة.

كان في لعبة Syndicate شخصيات تاريخيه كتير معروفة زي الكاتب Charles Dickens والعالم Charles Darwin و الملكة Victoria.

في فيلم نزل عن سلسلة Assassin’s Creed في سنة 2016، وكانت قصة الفيلم مختلفة عن اللعبة، ولكن الفيلم معجبش الناس وخد تقييمات قليلة، ولكن في الفترة الأخيرة أعلنت Netflix عن عملها على مسلسل جديد مقتبس من سلسلة Assassin’s Creed.

بعد Syndicate بدأت Ubisoft في تنظيم ورقها، واختفت لمدة سنتين، ورجعتلنا بلعبة Assassin’s Creed Origins في سنة 2017، واللي كانت أول لعبة تبدأ تاخد طابع الRPG في السلسة.

قصة Assassin’s Creed Origins أحداثها بتدور في حضارة مصر القديمه، واللي بتتكلم عن جذور وأصول الAssassins، وبطل اللعبة هو Bayek of Siwa، وهو أول Assassin.

لعبة Assassin’s Creed Odyssey نزلت في سنة 2018 وكانت بتقدم قصة في عصور اليونان، ميلانة بالمهام والأساطير الإغريقية القديمة، بعالم كان الأكبر في السلسلة، عشان تيجي Valhalla وتكون الأكبر من ناحية الخريطة.

اترشحت Assassin’s Creed Odyssey لجوائز كتير جداً في حفلة الGame awards لسنة 2018، وكان من ضمن الترشيحات دي، كانت مرشحة للعبة السنة، ولكن للأسف خسرت قدام مرشحين كتير أقوية.

 لعبة Assassin’s Creed Valhalla هي أجدد جزء في السلسلة، واللي بتدور أحداثها في عصور الڤيكنجز واللي بتعتمد بشكل كبير على الغزوات والغارات على مملكة إنجلترا.

أغلب الشخصيات اللي أنت تغتالهم هي شخصيات حقيقة، وماتوا في الحقيقة في نفس الوقت اللي انت قتلتهم فيه، ولكن بأسلوب مختلف طبعاً، وكان في إستثناء في لعبة Syndicate لأن أغلب عوائل الشخصيات اللي انت بتغتالهم في اللعبة لسه عايشين لحد دلوقتي، فا غيروا في بعض الاسماء أحتراماً للعوائل دي. 

سلسلة Assassin’s Creed هي أهم سلسلة بالنسبة لUbisoft، وده اللي أدى للأهتمام بتطوير اللعبة بشكل كبير، وخلوا 15 ستوديو يشتغلوا بس على لعبة Assassin’s Creed Valhalla يعني تقريبا تلت عدد ستوديوهات Ubisoft.

سلسلة Assassin’s Creed هي أنجح سلسلة عند Ubisoft، وتجاوزت مبيعات السلسلة ال140 مليون نسخة مباعة عالمياً، ودخلت لقائمة أكتر السلاسل مبيعا في التاريخ.