الأخبار, عن الألعاب

3 شركات كانت تبحث في الاستحواذ على Ubisoft

3 شركات كانت تبحث في الاستحواذ على Ubisoft

الاستحواذ على الشركات خلال الفترة الي فاتت كان مُفاجئ بشكل غير متوقع إطلاقاً. إستحواذ ميكروسوفت على Bethesda هو اضخم استحواذ في تاريخ الألعاب بقيمة 7.5 مليار دولار أمريكي وفعلاً الموضوع كان مُفاجئ وصادم لإن مكانش في حد متوقع ان حاجة زي كدة تحصل.

حالياً في توقعات ان في شركات بتبحث عن شراء Ubisoft، عايز بس افكركم إن شركة  Bethesda تحتها 8 استوديوهات واتدفع فيهم 7.5 مليار دولار، الـ 7 إستوديوهات دول شغال فيهم 3 الاف موظف فقط مُقابل 18 ألف موظف شغالين في يوبي سوفت فا تخيل كدة دول هيتدفع فيهم كام.

شخصياً مظنش ان في اي شركة حالياً تقدر تشتري يوبي سوفت لإن المبلغ هيبقى ضخم بشكل مُبالغ فيه وكدة كدة يوبي سوفت نفسها أكدت كذا مرة انها ناوية تفضل مستقلة لإصدار ألعابها المحبوبة على كل المنصات ومش عايزين اي شركة تقولهم يعملوا حاجات مُعينة.

طبعاً دلوقتي انت عايز تعرف مين الشركات الي عايزة تستحوذ على  يوبي سوفت. الشركات هي Sony و Google و Amazon. لو تم الاستحواذ عليها فأتمنى انها تبقى من سوني مش من جوجل ولا امازون.

author-avatar

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.