عن الألعاب, مقالات

12 نصيحة للمبتدئين في Horizon Zero Dawn

blank

بما إن هورايزن صدرت النهاردة للبي سي، فشريحة كبيرة من اللاعبين هيبدأوا يجربوها ويغوصوا في عالمها، وقد يكون وقتك الضيق مخليك مش قادر تدور وتعرف أكتر عن اللعبة وميكانيكياتها الكتير وتتعلمهم كلهم.
فالمقال ده موجهة للناس اللي عايزة تبدأ في اللعبة وتخلي تجربتها بأقوي وأفضل شكل ممكن من أول مرة.

blank

1- اللعبة دي لازم تتلعب علي صعوبة عالية

صعوبتين Story و Easy معمولين للناس اللي مابتحبش المعارك أصلًا، لكن قلب تجربة هوارايزن هو المعارك، وروعة تصميم العالم ووحوشه مش هيبان إلا من أول صعوبة Normal، لإن كل الآلات بشكل عام قوية، وأغلبها بيقدر يقتلك من ضربة أو أتنين، علي الصعوبات العالية بيقدموا تحديات عظيمة ليك هتنجح فيها فقط لو استخدمت الأسلحة المناسبة، واستغليت كل الميكانكس اللعبة ببتيحه ليك زي الCritical attacks والترسانة الضخمة المتوفرة من المصايد والأسلحة قريبة وبعيدة المدي.
التحدي اللي بتقدمه اللعب ةفي صيد أو قتل الآلات بيشكل متعة ممكن تتعدي نص متعة اللعبة، فحاول متفوتهاش علي نفسك.

2-حاول تتجنب الFast travel في الأول

في عالم هورايزن الموارد كتير بس محتاجة يا إما فلوس كتير (عملة اللعبة هي الShards) يا إما الدخول في قتالات كتير مع الصيد وجمع النباتات والخشب من العالم، وده اللي بنصحك تعمله في أول الساعات، اتحرك بين المهمات بدون Fast travel واجمع كل الموارد في طريقك، وخش كل المعارك اللي تقدر تخشها وتنتصر فيها عشان تجمع أكبر قدر من الموارد اللي هيفتحلك تصنيع الأسلحة قدام.
عالم هورايزن من أجمل العوالم الافتراضية اللي شوفتها في حياتي، وفي بداية التجربة انت لازم تشوف العالم ده بكل تفاصيله وتتجول فيه بنفسك عشان حرام يكون عالم بالاتقان والجمال ده تستخدم في فاست ترافل طول الوقت.

blank

3-اشتري Golden Fast Travel Pack عشان هتحتاجها في نص اللعبة التاني

الFast travel في اللعبة بيتطلب منك امتلاك حاجة اسمها Fast travel packمع كل مرة هتستخدم فيها الفاس ترافل، لكن في حاجة بتغنيك عن كل ده اسمها Golden fast travel pack بتتيح ليك عدد لا نهائي من الفاست ترافل.
بتكون موجودة من أول اللعبة عند التاجر اللي خارج بوابة مدينة ميريديان الرئيسية، لكن بتتطلب منك بعض الحاجات اللي محتاج تجمعهم عشان تشتريها.
قرب النهاية هتكون محتاجها كتير عشان العالم كبير بشكل يخليك مستحيل تستغني الفاست ترافل.

4-أوعي تخش معركة وانت مش مستعد

بما إني نصحتك تخش كل المعارك الممكنة، فحاول دايمًا تكون جاهز ومعاك أسلحة وموارد و Health potions عشان المعارك ممكن تجبر منك وتلاقي نفسك فجأة بتواجه خمس او ست وحوش كبار، وعشان كده الاستعداد في اللعبة دي هيفرق معاك جدًا، وفي أي وقت تكون فيه مش معاك الحاجات اللازمة، حاول تهرب من الآلات.
blank

5-خد وقتك في المعارك

دي نصيحة قولتها في مقال نصايح جوست أوف تسوشيما، وهقولها هنا تاني، حتي لو معاك كل الأسلحة العظيمة في اللعبة، هتحتاج شوية تفكير استراتيجي مع كل آلة ودراسة لنمط تحركاتها عشان تعرف إمتي تقرب وأمتي تبعد، وده بياخد وقت، ماتخشش أي معركة من منطلق انك هتخلصها بأسرع شكل ممكن، لإن ده بيخليك ترتكب أخطاء.
نظام المعارك في هورايزن مصمم علي إن ضربة واحدة مؤثرة أهم 100 مرة من ضربات عشوائية. كل آلة ليها نقطة ضعف تفدر تكتشفه بالfocus بيكون متعلم باللون الأصفر، وسلاح معين لو استخدمه هيقدملك فعالية أكبر ضد الآلة دي.
مثال: أسهم النار أو الكهربا أو الtear.
blank

6-لازم تفهم فكرة الElemental damage

خلينا متفقين إن اللعبة كبيرة وفيها كمية تفاصيل وميكانكس كتير صعب تتفهم في أول ساعة. لكن مع الوقت كل ما تفهمها أكتر هتفرق معاك في المعارك.
في أربع أنواع من العناصر وهم : النار، الكهربا، التلج، corruption ،tearو impact وكل آلية بيكون ليها نقطة ضعف واحدة أو أتنين منهم. كل نوع سلاح بيمتلك خيار تصنيع ذخيرة خاصة بنوع أو أكتر من المكونات دي.
استخدام سلاح ما ضد آلية معندهاش نقطة ضعف تجاهه هو مضيعة للوقت فالموضوع محتاج دراية وفهم للعبة مش أكتر

blank

7-استخدم التخفي في الأوقات المتاح فيها

في مهارة بتشتريها ب3 نقط مهارة بتخلي الجري ماعملش صوت يجذب الآلات اللي حواليك، لكن من غير شرا المهارة دي-واللي بتكون متاحة بعد وقت طويل من البداية- أي حركة سريعة في عالم اللعبة هتخلي لو في آلات حواليك ياخدوا بالهم منك، التخفي في اللعبة دي مميز ومهم وأنا بنصحك تفكر تستخدمه أكتر من المعتاد من ألعاب الأر بي جي التانية عشان الدخول في مواجهات طول الوقت ممكن يبقي متعب أو يخرجك بره الأجواء، خصوصًا مع وحوش زي الtamplers لإنهم عمالقة وبيخشوا المواجهات بالقطيع اللي بيكون مكون من 3-4 منهم. فالتخفي شيء مهم في عالم اللعبة.

8-أسهم الTear والنار هم أصدقائك المفضلين

أسهل سلاح في الحصول عليه و أكتر سلاح مؤثر في اللعبة هو النار، سواء كانت أسهل النار أو القنابل أو الأفخاخ، حاول تحصل عليه بدري علي قد ما تقدر، ويليه ذخيرة الTear واللي بتحتاج أسلحة خاصة له.

الtear باختصار هو نوع ذخيرة مابيعملش Damage في حد ذاته، لكن بيوقعلك الأجزاء المدرعة من علي الآلات مع تكرار الضربات. كل سلاح بستخدم عنصر معين بيكون له عدد نقط بيبينلك قوته في التأثير باستخدام العنصر.
أسهم الtear قوتها 100 نقطة، وده معناه إن عدد قليل منهم قادر يوقعلك أقوي أجزاء من دروع أقوي وحوش في اللعبة، ومجرد ما الدرع وقع، أي ضربة بأي ذخيرة أصبحت بأضعاف تاثيرها.
كمان استخدام النار ضد الcanisters (خزانات الوقود) اللي بتكون علي ضهر الآلات يعتبر سلاح قوي بشكل ممكن يقلب أي معركة، عشان كده من أول اللعبة حاول يكون معاك أسهم النار.

9-اشتغل علي تطوير سعات التخزين بشكل مستمر

أحد عيوب اللعبة هو واجهة المستخدم اللي تحسسك بالتوهان، والقوايم برضو تضررت من الموضوع ده.
هتحتاج تعمل Inventory management كل فترة عشان تبيع أو تتخلص من الحاجات اللي مش مستخدمة، وتستبدلها بموارد مهمة، لو مطورتش سعات التخزين هتبقي بتعمل ده كل دقيقة وممكن كمان تتخلص من حاجات مهمة بالغلط لإنك مضطر.
سعات التخزين ممكن تكبر عن طريق الcrafting اللي بيتطلب منك جمع موارد له مخصوص، في نشاط شبيه شوية بلعبة فار كراي 3 أو 4.

10-استخدم الModifications
blank

التخصيصات اللي بتحطها علي السلاح أو ألدروع حاجة من الحاجات المهملة شوية من مجتمع اللاعبين، محدش اتكلم عنها كتير أو إداها الأهمية اللي تستحقها بسبب كترة الميكانكس في اللعبة، لكن التخصيصات بتضيف بعد تاني للمعارك.
كل عنصر من العناصر السابق ذكرها (النار- التلج ألخ..) لما بتسخدمه ضد آلة من الآلات بتظهر دايرة عليك إنك تملاها عن طريق تكرار الضربة اللي ضربتها بنفس نوع الذخيرة بشكل متكرر، ولما بتتملي الآلة بتخش في حالة حريق أو تجمد كاملين وده بيعمل damage عالي لفترة من الوقت، الModifications ممكن تساعدك في زيادة التأثير بتاع الذخيرة بتاعتك في من أسهم النار مثلًا، فبدل ما يكون عليك ضرب 6 أسهم مشتعلة هيكون عليك ضرب 2 فقط، أو ممكن تساعدك في تجنب الموت السريع في مواجهة الأعداء البشريين اللي بيستخدموا النار أو الأسلحة الآلية.
استخدام الModifications بيكون عن طريق الCrafting في قايمة اللعبة.

11- رتب قايمة الأسلحة عن طريق الأولوية

قايمة الأسلحة السريعة بتتيحلك 4 أسلحة فقط، وده معناه إن فيه سلاحين أو أكتر ممكن يكونوا خارج القايمة دي وهتحتاج تطلعهم من القايمة الأساسية الكبيرة لما تحتاجهم، فالتبديل بين الأسلحة اللي بتتحط في الSHORTCUT MENU شيء ضروري حسب نوع المهمة والأعداء اللي أنت داخل عليهم. بشريين ولا آلات؟ أي نوع من الآلات؟ أعداد كبيرة ولا لأ؟ كل دي اسئلة هتتاج تسألها لنفسك بشكل مستمر، بخصوص الأسلحة وكمان قايمة الأفخاخ والPotions.

blank

12-حاول تكون بتستخدم كل اللي معاك من أسلحة
blank

في معارك اللعبة الكبيرة، خصوصًا ضد وحوش زي الtamplers أو الThunderjaw
دايمًا من الحكمة استخدام كل الأسلحة المتاحة. الTripcaster هيخلي كل خطوة بتاخدها الآلة بdamage
والrattler سلاح بيقذف رماح أو سهام، بيكون دايمًا مؤثر بعد إزالة أجزاء من الدروع باستخدام الtear.
وطبعًا سهام النار والtear نفسهم اللي بيعملوا أقوي نوع من الdamage.
كل ما تنوع في الأسلحة أكتر كل ما تقدر تكسب معركة أسرع، لو مافهمتش كلامي اللي فات كويس ففي في اللعبة tutorial لكل سلاح بيديك كمان XP حلو بيبقي علي شكل مهمات في قايمة الQuests حاول تعملهم كلهم عشان تاخد فكرة عن كل نوع ذخيرة.

في النهاية:

لعبة هورايزن من أفضل وأحسن الألعاب جودة علي الجيل الحالي، وعشاق الأر بي جي علي موعد مع قصة وأسلوب لعب من أفضل ما يكون، ومع الإعلان عن الجزء التاني، وإصدارة البي سي، إحنا سعداء إن اللعبة هتوصل لعدد أكبر من اللاعبين ونتمني نصايحنا ليكوا نكون مفيدة

Mostafa Argoun

About Mostafa Argoun

محرر في مجال الألعاب منذ عام 2012 بعتبر الألعاب فن، وبحب ألعاب القصة والأر بي جي بشكل رئيسي