هل منصة Playstation محتاجة Call of Duty؟

لعبة Call of Duty بتجيب فلوس لسوني وكمان لميكرو أكثر من أي حصريات، الفكرة كلها أن سوني أو ميكرو بتاخد 30% من كل عملية بيع بتتم على الستور فلو مثلا COD باعت أكثر من 10 مليون نسخة على البلايستيشن، سوني هتكسب كل سنة أكثر من 200 مليون دولار، ده غير طبعا الميكروترازاكشنز والاضافات، واللي حسب تقرير اللي موجود في أول صور أن سوني هتخسر 260 مليون دولار كل سنة لو مفيش Call of Duty عندها

طيب سلسلة Call of Duty باعت اكتر من 400 مليون نسخة، يعني اكتر سلسلة العاب مبيعا، في المرتبة الثانية تأتي لعبة Super Mario ب 390 مليون. في الصورة الثانية هتلاقي أن اكتر لعبة باعت في شهر ديسمبر في امريكا هي Call of Duty Vanguard وبعد كده Halo Infinite مع أن كود السنادي مكنتش حلوة، وفي الصورة الثالثة اكتر لعبة باعت على ستور بلايستيشن في عام 2021 بالكامل هي برده Call of Duty Vanguard ده غير أن القائمة فيها لعبتين COD كمان، فهي يعني حتى في اسوأ ظروفها مسيطرة على رقم واحد في المبيعات.

لعبة Call of Duty Warzone وصل عدد لاعبيها الي 100 لاعب، وعملت عوائد 1.3 مليار دولار، تخيل بقى لو نزلت على الموبايل، تخيل كمان لو نزلت على السويتش؟!!

لعبة Call of Duty Mobile وصل عدد لاعبيها الي 300 مليون لاعب وعملت عوائد 1 مليار دولار، على فكرة لعبة Candy Crush عملت عوائد 7 مليار دولار لحد دلوقتي

الخلاصة احنا بنتكلم عن اسم تقيل جدا جدا جدا جدا جدا ومهما الناس بتنتقد كود فهي مسيطرة على المبيعات برده، انا شايف أن سوني المرة دي هي اللي هتجري ورا ميكرو لو فيل سنبسر فكر يحصر العنوان، ويحصل زي اتفاق يهد الطرفين، الجيم باص مثلا ينزل على البلايستيشن، أو حصريات سوني تنزل على الاكس بوكس، اي كان بس من الغباء أن سوني تسيب COD متبقاش على جهازها لو بقت حصرية اكس بداية من 2024، تخيل معايا أن الاستحواذ اللي لسة متمش خسر سوني 20 مليار دولار من قيمتها السوقية، اكبر خسارة ليها من ايام 2008، فمابالك لما الاستحواذ يتم ولو كود بقت حصرية Xbox، ايه اللي هيحصل، فاي حد يقول إن بلايستيشن مش محتاجة Call of Duty تعرف أن بيضحك عليك أو هو ميفهمش حاجة