نسخ الـ Collector’s من بعض ألعاب يوبي سوفت مش هتقدم أسطوانة فعلية في المملكة المتحدة

أكدت شركة يوبي سوفت أن نسخ الـ Collector’s من 3 من ألعابها القادمين مش هتقدم أسطوانات فعلية للألعاب في المملكة المتحدة على منصة Xbox One.

الألعاب هي :

• Assassin’s Creed Valhalla
• Watch Dogs Legion
• Far Cry 6

لو انت عايش في المملكة المتحدة وناوي تشتري نسخة Collector’s لواحدة من الألعاب ديه على منصة PlayStation 4 فمتقلقش نسخة منصة PlayStation 4 هتيجي بأسطوانة جواها وبكدة مش هتضطر تحمل اللعبة نفسها.

لعبة Watch Dogs Legion هتتوفر في 29 أكتوبر بعدها Assassin’s Creed Valhalla في 17 نوفمبر وأخيراً لعبة Far Cry 6في 18 فبراير 2021. الألعاب كلها هتتوفر على الحاسب الشخصي و PS4 و PS5 و Xbox One و Xbox Series X.