موقع Super Data الشهير أعلن النهاردة عن مبيعات لعبة Horizon Zero Dawn على منصة الحاسب الشخصي الي نزلت بشكل رسمي خلال 7 أغسطس 2020.
أكد الموقع ان اللعبة خلال شهر واحد قدرت تبيع أكتر من 716 ألف نسخة والرقم الضخم ده يعتبر قرب من رقم مبيعات لعبة The Witcher 3 Wild Hunt في شهر إصدارها. طبعاً الرقم يتفوق بشكل ملحوظ على مبيعات الحصرية الي قبلها الي نزلت PC وهي Death Stranding وديه باعت 477 ألف نسخة في أول شهر على البي سي.
المبيعات الضخمة للألعاب على منصة الحاسب الشخصي هتحمس سوني انها تنزل ألعاب تانية على منصة الحاسب الشخصي من حصرياتها. على سبيل المثال ممكن نشوف الشركة منزلة God of War أو Marvel’s Spider Man على منصة الحاسب الشخصي.
اللعبتين دول هيكون ليهم أجزاء تانية هينزلوا بشكل حصري على منصة PlayStation 5 فا ممكن الشركة تستغل إصدارهم على الحاسب الشخصي عشان تخلي عدد أكبر يجربوا الالعاب ديه ويشتروا PlayStation 5 عشان يجربوا الأجزاء الجديدة منهم.
Horizon Zero Dawn متوفرة دلوقتي للشراء على الحاسب الشخصي و PlayStation 4.
promidoz
