على الرغم من إن لعبة Godfall محققتش أفضل نجاح من حيث المبيعات والتقييمات إلا إنها كانت واحدة من حصريات الإطلاق المميزة لمنصة Sony PlayStation 5 واستعرضت قوة الجيل الجديد بشكل كويس جداً.
في الوقت الحالي عشان تجرب اللعبة تقدر تشتريها على PS5 والـ PC فقط ولكن من الواضح إن اللعبة هتصدر على PlayStation 4 كمان. إمبارح لجنة PEGI الأوروبية شاركت بتقييم عمري جديد للعبة Godfall والمرة ديه التقييم العمري كان على منصة PlayStation 4، اللعبة المفروض هتصدر على منصات تانية غير PlayStation 5 خلال 12 مايو القادم عشان كدة من الواضح إننا هنشوفه ا على PlayStation 4 ومن المحتمل منصات Xbox كمان !
واحدة من الألعاب التانية الي انا واثق إنها تقدر تشتغل بدون مشاكل على منصة PlayStation 4 هي Demon’s Souls خاصةً وإن إستوديو Bluepoint Games بدأ تطوير اللعبة على الجهاز اصلاً وبعد كدة التطوير اتنقل على منصة PlayStation 5 عشان كدة في احتمال انها هي كمان تصدر على PS4.
على العموم تابعونا على السوشيال ميديا عشان تعرفوا اخر الاخبار :
promidoz
