الأخبار, عن الألعاب

من الواضح إن لعبة Starfield هتكون حصرية على Xbox و PC

من الواضح إن لعبة Starfield هتكون حصرية على Xbox و PC

الإعلامي الشهير Jez Cordan من موقع Windows Central رد على استفسارات بعض اللاعبين على  Twitter عن لعبة Starfield من Bethesda Game Studio وهل هتكون حصرية ولا لا على الحاسب الشخصي و Xbox Series X / S.

موقع Windows Central نقدر نقول عليه انه واحد من اكتر المواقع القريبة من ميكرسوفت ودايماً لحد دلوقتي مبيغلطوش في كل المعلومات الي بيجيبوها عن اي حاجة خاصة بميكروسوفت.

على  حسب كلام الإعلامي Jez Cordan  فا لعبة  Starfield مش هتتوفر على منصة PlayStation 5 بل هتنزل بشكل حصري على الحاسب الشخصي و Xbox One، الإعلامي كمان مستغرب من الناس الي كانوا بيتوقعوا ان اللعبة هتصدر على PlayStation بعد استحواذ ميكروسوفت !

لعبة Starfield لسة في التطوير حالياً واخر مرة شوفنا حاجة منها كان سنة 2018، من المتوقع اننا نشوف اعلان منها خلال السنة ديه او السنة الجاية وهتصدر في 2021 على حسب التوقعات بشكل حصري على الحاسب الشخصي و Xbox Series X / S ، وطبعاً أكيد هتتوفر على خدمة Xbox Game Pass.

author-avatar

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.