في تسريب جديد إنتشر على موقع ResetEra بيتكلم عن نسخة جديدة من لعبة Death Stranding تحت عنوان Extended edition.
على حسب التسريبات الأخيرة فالنسخة ديه هتقدم تحسينات مميزة للعبة سواء على PlayStation 4 أو PlayStation 5 بس طبعاً هتستفيد بشكل ضخم من مواصفات PlayStation 5 مع يد تحكم Dualsense وتقنية تتبع الأشعة. مش بس كدة ، ده النسخة الجديدة هتقدم محتوى قصة إضافي فا مش عارفين محتوى القصة هيكون عبارة عن زيادة في مهمات اللعبة الي موجودة بالفعل ولا هنشوف إضافات جديدة للقصة.
كمان التسريب وضح إن النسخة ديه هتتوفر على PlayStation 4 و PlayStation 5 بس مذكرش أي تفاصيل عن إصدارها على منصة الحاسب الشخصي فنتوقع إنها هتنزل بشكل مؤقت على منصات بلايستيشن بعد كدة هتتوفر على الحاسب الشخصي وده نفس الي حصل مع النسخة العادية من اللعبة الي توفرت في نوفمبر 2019.
تقدر دلوقتي تلعب Death Stranding على الحاسب الشخصي و PlayStation 4 أو طبعاً على PlayStation 5 بخاصية التوافق المُسبق.
متنساش تتابعنا على السوشيال ميديا عشان تعرف اخر الأخبار والتسريبات :
promidoz
