نشر إستوديو Cloud Chamber طلب توظيف جديد بيأكد فين إن لعبة BioShock الجديدة هتكون لعبة عالم مفتوح على عكس الأجزاء القديمة.
أجزاء BioShock الثلاثة الأولى كانت بتقدم تجربة خطية نسبياً، اه بيكون ليك قدرة على إستكشاف حاجات مختلفة والرجوع لأماكن مختلفة بس بشكل عام كان لازم تمشي في طريق معين عشان تكمل القصة فا هي لعبة خطية في المقام الأول ومش بتركز على فكر العالم المفتوح. بنسبة كبيرة الكلام ده هيتغير في الجزء الجديد من BioShock.
على حسب طلب التوظيف الجديد الي نشره إستوديو Cloud Chamber فالجزء الجديد من Bioshock هيقدم تجربة عالم مفتوح بالكامل الي احنا اتعودنا عليها في ألعاب كتير خلال السنين الي فاتت. لعبة Bioshock الجديد هتقدم فكرة جديدة تماماً بعالم مختلف عشان كدة ممكن إضافة العالم المفتوح يتناسب مع التصميم الجديد الي هيتقدم للسلسلة.
التطوير شغال على Bioshock 4 من سنة 2019 فا متتوقعوش انها تنزل قريب بس توقعوا اننا نشو ف إعلان رسمي للعبة خلال الشهور أو السنين البسيطة الي جاية. متنسوش تتابعونا على السوشيال ميديا عشان تعرفوا اخر الاخبار :