Jez Cordan من Windows Central أكد في Podcast أخير إن منصة Xbox Series S لم يتم إلغاء العمل عليها بل إن شركة Microsoft مش مستعدة بشكل كامل للإعلان عن الجهاز. الإعلان الفعلي عن الجهاز هيكون لما الشركة تكون جاهزة للإعلان عن السعر.
الجهاز مش هيكون قريب إطلاقاً من منصة Xbox Series X من ناحية القوة ، منصة Xbox Series X هي وحش ضخم بقوة 12 تيرا فلوبس أما منصة Xbox Series S فا هتكون 4 تيرا فلوبس بس. المنصة هتكون أقوى من Xbox One X ولكن مش بفرق كبير.
الإشاعات بتتوقع إن منصة Xbox Series X سعرها هيكون 500 دولار أمريكي ومنصة Xbox Series S هتكون 300 دولار. لو ميكروسوفت عملت كدة فا هي بتضرب سوني من ناحيتين، ناحية أقوى جهاز في السوق وناحية أرخص جهاز في السوق.