إستوديو Techland شارك بمجموعة من التفاصيل الجديدة عن لعبته الأكثر إنتظاراً Dying Light 2 والمرة ديه معانا شوية معلومات هتفرحكم.
قصة اللعبة الأساسية هتاخد منك في حدود 20 ساعة عشان تخلصها بس لو قررت تبص على كل حاجة وتخلص المهمات الجانبية كمان فاللعبة ممكن توصل معاك لمدة بين 40 و 60 ساعة، واضح إن اللعبة ضخمة والعالم بتاعها هيكون كبير وهنستكشف فيه مهمات قوية كتير جداً.
كمان الإستوديو أكد إن اللعبة هتدعم تقنية تتبع الأشعة على الحاسب الشخصي و PlayStation 5 و Xbox Series X | S، بس لو شغلت تقنية تتبع الأشعة على أجهزة الكونسول فاللعبة هتشتغل على 30 فريم ولو قفلتها هتوصل لـ 60 فريم. ده طبعاً مع إختلاف الدقة والمستوى الرسومي على كل منصة منهم.
هتتوفر Dying Light 2 على الحاسب الشخصي و PlayStation 4 / 5 و Xbox One / Series X | S خلال سنة 2021 ومن المفترض اننا هنعرف تفاصيل أكثر قريب فا تابعونا على السوشيال ميديا عشان متفوتوش أي تفاصيل عن اللعبة :
promidoz
