المخرج الرائع Cory Barlog اتكلم مع الفانز على Twitter في شوية تغريدات كدة عن ميعاد إصدار لعبة God of War الجديدة وأكد إن الإستوديو مش ناوي يعلن عن ميعاد الإصدار بدري.
المخرج أكد إن إستوديو Sony Santa Monica نفسه لسة مستقروش على ميعاد إصدار مُحدد وإن الإعلان مش هيجي من الإستوديو نفسه بل هيكون من Sony PlayStation لما فعلاً يتفقوا على ميعاد إصدار يكونوا شايفين إنه مناسب للعبة.
لو فاكرين في 2018 فالإستوديو مأعلنش عن ميعاد إصدار اللعبة إلا لما كان متأكد عشان ميتمش تأجيلها وبالفعل نزلت في ميعادها من غير أي تأجيل. واضح إن الإستوديو وسوني إتعلموا من الي حصل مع CD Projekt RED و Cyberpunk 2077 وإنها اتأجلت 3 مرات !
لعبة God of War Ragnarokفي التطوير دلوقتي والمفروض إنها هتنزل خلال سنة 2021 بس لسة مفيش ميعاد إصدار نهائي. كمان في توقعات بتقول إن اللعبة مش هتكون حصرية على PlayStation 5 بس لا ديه كمان هتنزل على جهاز PS4.
promidoz
