في لقاء أخير مع Gaming Bolt اتكلم المحرر Michel Patcher عن الجزء الجديد من The Legend of Zelda والي هيكون تكملة لـ Breath of the Wild.
المحلل بيوضح ان على ما اللعبة تنزل في 2021 أو 2022 هتكون شركة Nintendo باعت على الاقل 70 أو 75 جهاز من منصة السويتش، الجهاز حالياً عدى 55 مليون تقريباً وعمال يبيع بشكل رهيب وهيبيع بشكل ضخم خلال موسم الأعياد السنة ديه.
على حسب كلام المحلل فا هيكون سهل بالنسبة للشركة انها تبيع 35 مليون نسخة من لعبة The Legend of Zelda الي جاية ومش بعيد كمان يعدوا 40 مليون نسخة مُباعة. مننساش انها تعتبر اهم لعبة للجهاز وفازت بجائزة لعبة السنة وقت إصدارها في 2017.
شركة Nintendo بالفعل أكدت إن لعبة The Legend of Zelda القادمة والي هتكون تكملة لـ Breath of The Wild لسة قدامها شوية وقت وممكن منشوفهاش في 2021 عشان كدة الناس هتحب اصلاً انها تجرب الجزء الأول عشان تستمتع بالتكملة في الجزء الثاني على اكمل وجه وده هيخلي عدد اكبر يشتروا اللعبة.
منصة Nintendo Switch متوفرة دلوقتي للشراء بسعر 300 دولار أمريكي للنسخة العادية و200 دولار للنسخة الـ Lite.
promidoz
