متجر ميكروسوفت النهاردة كشف عن حجم تحميل لعبة Resident Evil 8 Village على Xbox One و Xbox Series X | S والحجم بسيط كعادة كل الألعاب الي بتصدر من شركة Capcom.
خلال السنين الي فاتت كل ألعاب شركة Capcom بتبقى في حدود 25 جيجا وده شوفناه مع وده شوفناه مع ألعاب كتير زي Resident Evil 7 Biohazard و Resident Evil 2 و Resident Evil 3 كمان. اللعبة الوحيدة الي حجمها كان كبير شوية كانت Devil May Cry 5 وكانت 35 جيجا بايت.
لعبة Resident Evil 8 Village هتمشي على غرار الألعاب السابقة وحجمها هيكون 35 جيجا بايت تقريباً على منصات Xbox. للأسف متعلنش عن حجمها على منصات بلايستيشن أو الحاسب الشخصي بس توقعوا إن الحجم يكون قريب خاصةً وإن محرك RE Engine محرك عظيم على كل المنصات وبيقدورا يصغروا الحجم بشكل كويس جداً.
هتصدر Resident Evil Village على الحاسب الشخصي والجيل الجديد والقديم من أجهزة الكونسول يوم 7 مايو 2021 ونتمنى إنها متتجألش. متنسوش تتابعونا على السوشيال ميديا عشان تعرفوا أخر الأخبار :
promidoz
