في مقالة النهارده هنحاول نوضح فايده الفريمات العالية وليه هي حاجه مهمه خصوصا مع دخول الجيل الجديد ودعم الـ 120fps الاول حابب اوضح يعني ايه fps الأول وهو اختصار ل:frames per seconds او عدد الصور/الاطارات اللي بتتعرض في الثانية الواحدة وده بيكون غالبا من كارت الشاشه او الgpu
وعلي الصعيد الاخر في مصطلح display rate والي يعني عدد الصور الي الشاشه تقدر تعرضها في نفس الثانية بتتقاس بالـ hz وده جراف يوضح علاقة الfps الناتج من الـ gpu بالـ display refresh rate
وزي ماهو واضح فعلى الرغم من أن الfps مش على نفس الخط بالضبط مع الـ display refresh rate الا ان الفرق مش كبير فعشان كده و للتبسيط هنفترض ان الاتنين واحد
حركه الانيميشن
واحدة من أكتر الحاجات اللي بتبقي ملحوظه لما تلعب على فريمات عالية هي نوعه الانيمشن أثناء الحركة وده بيحصل بسبب ان كل انيميشن بيحصله تحديث كل 1/60 جزء من الثانيه او مره كل 16.6 ملي ثانية في حالة 60fps بينما في حالة 120fps،
فيحصل تحديث كل 8.3 ملي ثانيه يعني تقريبا اكتر 4 أضعاف الـ 60 fps زي ما الـ gif ده بيوضح
ممكن تحس ان الفرق بسيط هنا ولكن لو حطينا مثال من لعبة cs go على سبيل المثال نلاحظ فرق كبير بين الـ 60 والـ 240 من ناحية سهولة حركة الأنيميشن على العين
ثبات الأنيميشن
واحده من الحاجات الملحوظة لما تلعب على فريمات قليلة وهي عدم ثبات الانيميشن أو الـ ghosting وهي ان بيحصل زي تراكم انيميشن علي هيئة صور مموه بتكون بتتبع الحركة،
واللي يسبب تشتت كبير اثناء اللعب وده بيحصل بسبب طريقة تحديث الاطارات الي بتحصل على الشاشة أثناء اللعب والي مع الفريمات القليلة بتبدا تظهر وبتعمل تشدد كبير اثناء اللعب
وزي ماهو واضح من الصوره فمع الفريمات العالية تبدأ المشكلة تختفي بسبب سرعة الانيمشن الي بتحصل
تيرنج
تيرنج او tearing هو مصطلح يستخدم لما بيكون في تاخر في عرض الفريمات في أجزاء من الشاشة بيحصل تضارب بين الفريمات اللي بيأدي لعدم راحه للعين اثناء اللعب وظهر كذا حل للمشكله ده أكثرها شعبية vsync،
والي بيعمله انه بيعرض اخر فريم رندر بس و يكون حل مناسب لو بتلعب العاب بسيطه انما بيؤدي لتأخر في الاستجابة أثناء اللعب والي مش مناسب اطلاقا في العاب الشوتر او الي محتاجه دقه عاليه في اللعب
وعلشان كده اغلب الناس يضطروا يتعايشوا مع التيرنج مقابل انهم ياخدوا اعلي اداء وهنا يجي دور الفريمات العالية حيث انها بتقلل التيرنج بشكل ملحوظ وبنسبة كبيرة حيث ان ال240 بتقلل التيرنج للربع مقارنة بال60 زي ماهو واضح بالصورة
ده كده بعض من مميزات اللعب على فريمات عالية وحتى لو كانت الشاشه بتاعتك اخرها 60 فلو لعبت علي فريمات اعلي فأنت يتضمن استجابة أعلى ولعب اسرع واكثر دقة
