في 2020 سوني عملت حاجة حلوة جداً إسمها Play at Home وعرضتلنا شوية ألعاب مجاناً زي Uncharted Collection و Journey و Knack 2. الموضوع كان عبارة عن تشجيع للاعبين عشان يفضلوا قاعدين في بيتهم ومينزلوش عشان يحموا نفسهم من الإصابة بفيروس كورونا.
الحركة الحلوة ديه هترجع تاني بدايةً من شهر مارس 2021 مع لعبة Ratchet and Clank 2016 وهناخدها بشكل مجاني في الفترة بين 1 و 31 مارس. طالما اللعبة اتضافت للمكتبة بتاعتك فا هي كدة هتفضل معاك على طول و مش محتاج تكون مشترك في أي خدمة عشان تاخد اللعبة بشكل مجاني.
الفكرة عبارة عن دعاية للجزء الجديد من السلسلة والي هينزل في شهر يونيو بشكل حصري على PlayStation 5 بإسم Ratchet and Clank: Rift Apart. لو الفكرة هتستمر بالشكل ده فتوقعوا إننا نشوف ألعاب قوية خلال الشهور الي جاية لإن Play at Home مستمر معانا لحد شهر يونيو فا ممكن نشوف حاجات قوية زي God of War أو Horizon Zero Dawn تتعرض بشكل مجاني.
تابعونا على السوشيال ميديا عشان نعرفكم الألعاب الجديدة الي هتضاف بشكل مجاني خلال الشهور الجاية :
promidoz
