الأخبار, شائعات, عن الألعاب

لعبة Grand Theft Auto 6 ممكن تنزل في 2023 أو 2024

لعبة Grand Theft Auto 6 ممكن تنزل في 2023 أو 2024

شركة Take Two Interactive نشرت تقارير جديدة عن الفلوس الي ناوية تصرفها في الدعاية خلال السنين الي جاية. الشركة هتصرف أكتر من 89 مليون دولار أمريكي على الدعاية في السنة المالية 2024.

ده أكبر رقم الشركة هتصرفه على دعاية خلال كل السنين الي جاية وطبيعي السؤال الي في بالك هو : ده ايه دخله بالجزء السادس من Grand Theft Auto ؟ الإجابة سهلة : أكيد شركة Take Two هتهتم بشكل كبير انها تعمل أضخم دعاية ممكنة لأضخم عنوان عندها خلال الفترة الي جاية.

السنة المالية 2024 هتستمر بين أبريل 2023 ومارس 2024 وده معناه إننا ممكن نشوف إصدار اللعبة خلال الفترة ديه. بنسبة كبيرة اللعبة هتنزل الأول على Xbox Series X و PlayStation 5 وبعد كدة هيتم إصدارها على منصة الحاسب الشخصي. نفس الكلام حصل  مع GTA V و Red Dead Redemption 2 ومُتوقع يحصل تاني مع GTA 6.

author-avatar

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.