حساب لعبة Godfall على تويتر أكد إن اللعبة هتحتاج اتصال دائم بالإنترنت عشان تشتغل حتى لو انت مش عايز تلعب مع ناس وعايز تلعب لوحدك !
الفكرة ان اللعبة بتديك الاختيار انك تلعب بشكل فردي أو COOP مع اصدقائك فا طالما اللعبة بتديني الاختيار، ليه انت كمطور تجبرني اني اكون متصل بالإنترنت. افرض سيرفرات بلايستيشن وقعت مثلاً او انا معنديش نت في وقت مُعين وعايز افتح اللعبة، كدة انا مش هقدر العب لعبتك وديه حاجة سيئة.
اللاعبين بيعانوا من مشكلة الاتصال بالإنترنت من فترة طويلة جداً خاصةً في الألعاب الي بتقدم قصة وممكن تتلعب بدون اتصال بالإنترنت وواضح ان المطورين مش بيتعلموا من أخطاء الإستوديوهات الاخرى.
لعبة Godfall هي واحدة من ألعاب الإطلاق لمنصة PlayStation 5 وهتصدر مع إطلاق المنصة يوم 12 نوفمبر بسعر 70 دولار أمريكي. اللعبة هتقدر تشتريها كمان على متجر Epic Games على الحاسب الشخصي والحلو ان سعرها 60 دولار بس عليه.
promidoz
