شركة Square Enix أعلنت رسمياً إن لعبة Marvel’s Avengers هتدعم تحديث مجاني للجيل الجديد PlayStation 5 و Xbox Series X.
لو جبت اللعبة الأول وقت إصدارها على منصة PlayStation 4 هتقدر انك تحدثها بشكل مجاني لنسخة PlayStation 5 لما الجهاز ينزل. نفس الكلام هتقدر تطبقه مع منصة Xbox One فا لو جبتها على المنصة هتقدر تاخد نسخة مجانية منها على Xbox Series X.
اللعبة على الجيل الجديد هتدعم Native 4K مع دعم حتى 60 إطار في الثانية وتحسين رسومي كبير. لعبة Marvel’s Avengers هتتوفر على الحاسب الشخصي و Xbox One و PlayStation 4 في 4 سبتمبر 2020 ونسخة الجيل الجديد هتتوفر في موسم أعياد 2020 مع إصدار الـ PS5 و Xbox Series X.