شركة يوبي سوفت أعلنت بشكل رسمي إن لعبتها Assassin’s Creed Valhalla هتدعم خاصية Smart Delivery على منصتي Xbox One و Xbox Series X وده معناه إنك لو اشتريت اللعبة على Xbox One هتقدر تستمتع بيها بدون مشاكل على منصة Xbox Series X بدون الشراء مرة تانية.
هتقدر تستمتع بنسختك من اللعبة على أي منصة وممكن تجربها الأول على منصة Xbox One وبعد كدة تجربها مرة تانية على منصة Xbox Series X ولكن المرة ديه هتكون برسومات أفضل ودقة أعلى وتجربة أكثر سلاسة بشكل عام من التجربة على Xbox One.
لعبة Assassin’s Creed Valhalla هتصدر في موسم أعياد 2020 على الحاسب الشخصي والجيل الجديد والحالي من أجهزة الكونسول، هنشوف أول إستعراض رسمي لأسلوب اللعب يوم الخميس الي جاي في بث ميكروسوفت الي هتستعرض فيه مجموعة من ألعاب إستوديوهات الطرف الثالث على منصة Xbox Series X.
لعبة Assassin’s Creed Valhalla مش هي اللعبة الوحيدة الي هتدعم الخاصية ديه لإن إستوديو CD Projekt RED بالفعل أعلن إن Cyberpunk 2077 هي كمان هتدعم الخاصية.