يوبي سوفت أعلنت بشكل رسمي إن لعبة Assassin’s Creed Valhalla مش هتكون أكبر أو اطول أجزاء السلسلة. في 2018 لعبة Assassin’s Creed Odyssey تم نقدها بسبب إنها طويلة زيادة عن اللزوم والعالم بتاعها كان كبير جداً.
المعلومات ديه جاية من رئيس الإتصالات في شركة يوبي سوفت فرع الشرق الاوسط Malek Teffaha على حسابه الرسمي على موقع تويتر، ناس كتير جداً عجبهم الموضوع خاصةً وإن Odyssey و Origins كان فيهم مهمات ملهاش لازمة وكان التجول في العالم ممل في بعض الأحيان.
Assassin’s Creed Valhalla هتصدر في موسم أعياد 2020 على الحاسب الشخصي و PlayStation 4 و PlayStation 5 و Xbox One و Xbox Series X. اللعبة هتدعم خاصية Smart Delivery لمنصات Xbox وده معناه إنك تشتريها مرة على Xbox One و تلعبها مجاناً بدون مشاكل على Xbox Series X.