طور الأونلاين للعبة Halo Infinite مش هيتم تأجيله

مجموعة من الإشاعات تم نشرها بعد بث Xbox Games Showcase كانت بتأكد إن طور الأونلاين Multiplayer للعبة Halo Infinite للأسف هيتم تأجيله.

مدير مجتمع اللاعبين في إستوديو 343 Industries أكد عبر حسابه الرسمي على موقع  تويتر ورد على الشائعات وقال إنها مش حقيقية إطلاقاً. ده الي قاله مدير مجتمع اللاعبين Brian Jarrad :

” لا شيء لتروه هنا يا أصدقاء، هذا ليس حقيقي. “

التصريح ده لوحده حمس مجموعة ضخمة من اللاعبين لمود الأونلاين في Halo Infinite. شركة إكس بوكس عندها إستعراض تاني في شهر أغسطس ونتمنى إن المرة ديه نشوف Halo تاني في البث. ممكن المرة ديه يستعرضوا اللعبة ورسومياتها بشكل أفضل وهي شغالة على منصة Xbox Series X.

Xbox Series X هيتوفر في موسم أعياد 2020 ولعبة Halo Infinite هتتوفر عليه وقت إصداره بالإضافة لتوفرها على الحاسب الشخصي و Xbox One.