Articles, News, Preview, Reviews, مقالات

شرح قصة Quantum Break العظمية

شرح قصة Quantum Break العظمية

احذروا عام 2022 هو نهاية الزمان والعالم ‼️

لان الChronon (وحدة طاقة لكم الزمن) هينتهي، فالوقت هيقف وكلنا هنتحبس في لحظة واحدة.

تخيل كده حياتك بقت عبارة عن لحظة واحدة وكل شوية تعيدها، اكيد دي حاجة كلنا مش عايزنها، بس حسب لعبة Quantum Break ده هيحصل😰 فعشان كده لازم نروح مغامرة مع بطالنا Jack Joyce عشان نفهم الزمن ده ماشي ازاي.

سواء كنت محب لقصص السفر عبر الزمن أو لأ، فيفضل تاخد نفس عميق وتركز معايا في السطور التالية.

اول ما عرفت أن Quantum Break قصتها عن السفر عبر الزمن وانا عينيا لمعت وبدأت انتبه ليها، بس كان في ترقب وحذر لان اغلب النوع ده من القصص بيكون مليان plot holes ده غير انها بتبعد كل البعد عن أساسيات الفيزياء. بس المفاجأة أن العكس تماما حصل مع قصة Quantum Break

في حرق جاي خد بالك ‼️

اللعبة تبدأ مع بطلنا Jack Joyce وهو بيساعد صاحبه Paul Serene في تشغيل اول اختبار ناجح لآلة الزمن، ورجعوا بالزمن لورا خمس دقائق، وPaul جه يدخل لقى نسخه منه طبق الاصل بتطلع 😯 طبعا Jack ميعرفش اوي في الفيزياء ومستغرب من اللي شايفه، بس الاتنين Paul فرحانين بنجاح التجربة ونسخة الماضي من Paul تقول لنسخة الحاضر تكمل وتخش الآلة عشان يظهر في ال timeline بتاعه ومفيش حاجه تبوظ وتنحرف

طبعا Jack لازال مصدوم وعامل كده 😯 بس Paul يقوله يلا خلي الجهاز على خمس دقائق في المستقبل، ولما الآلة اشتغلت ناحية المستقبل يظهر فجأة أخو جاك (Will) وهنا كل حاجة تبوظ وتنحرف

يحصل انفجار وانشطار للزمن اللي جوه الآلة يقذف Jack بعيد ويقذف Paul في الزمن المكسور، وكل واحد فيهم يكتسب قوة خارقة للتحكم في الزمن بسبب دخول طاقة ال Chronon -اللي قولتها فوق- داخل أجسادهم، بس المشكلة الأكبر أن يسبب ال fracture للزمن وده معناه انهيار الزمن يعني نهاية حتمية للعالم

تحصل بقى Plots كتير لكن خلينا في النقطة المعينة اللي عايز اوصلها الخاصة بمفهوم السفر عبر الزمن، Paul خطته يعمل منقطة آمنة تحمي الناس من انهيار الزمن ولكن Will اهو جاك عايز يمنع حصول الانهيار اصلا عن طريق جهاز ال Countermeasure، بينما Jack بطلنا كان عايز يرجع بالزمن ويمنع حصول كل ده، وينقذ اخوه.

وهنا بقى الجميل في الموضوع أن جاك ميعرفش السفر عبر الزمن بيتم ازاي أو ايه هي قوانينه، فيكتشف جاك خلال تقدمك في اللعب أن مهما حاولت تصلح الماضي بتفشل، What’s happened has already happened. لا تغير في الماضي، جاك فقط قادر يسافر خلال الزمن لان سلسلة من الأحداث سمحت له يكون في نفس المكان المعين اللي كان هو بيروحلها في الماضي، يعني بالضبط ده loop

قرب نهاية اللعبة جاك بيرجع للماضي ومعاه الCountermessure عشان يديه لاخوه Will واللي هيقوله مفيش حاجه تحصل في زمني ده، ده ماضي والماضي ثابت…… بس ماذا عن المستقبل ؟ المستقبل ينفع، وفعلا الاتنين يسافروا للمستقبل بعد كمان أزمة الحادثة في المعمل، ويشغلوا الجهاز وينجحوا في إصلاح الزمن.

كثير من الأفلام متعلقة في فكرة التغير في الماضي، هتيجي تقولي لا مهو فيلم Avengers Endgame عملوا نفس العمله جاك هقولك اللعبة طلعت في 2016 قبل الفيلم بخمس سنين أقل حاجة.لكن قبل كده تقريبا كل الافلام بتعمل كده فمثلا سلسلة Terminator كان ديما سارة كونور أو جون كونر بيحاولوا يعلبوا في الماضي ويمنعون حدث ال robo-apocalypse، بس ده منطقيا مينفعش، لان ببساطة لو كنت تقدر تغير في الماضي فأنت مكنتش هترجع اصلا للماضي اتفهمت؟

وده خلى افلام كتيرة تكون مليانة plot holes

نهاية Quantum Break كانت عبقرية لما جاك اخد باله في الاخر أن كل الأفعال اللي عملها فقط شكلت الماضي اللي هو كان ديما موجود. حتى لما حاول ينقذ حياة اخوه ونجح، فده لان اخوه مماتش اصلا في الحاضر في بداية اللعبة زي ما كان فاكر

ومن اكتر الحاجات الظريفة في اللعبة هي انك تقدر تعمل اختيارات، بس الاختيارات دي بالرغم أنها بتديلك ايحاء بتغير الأحداث الا ان في الاخر النهاية واحدة، وهنا بعض المراجعين اللي مفهموش اللعبة غلطوا وانتقدوا اللعبة في أن الاختيارات مش مؤثرة، وهو أمر مضحك لأنهم مفهوش اللعبة وعاملين عليها مراجعة.

لعبة Quantum Break أقل ما يقال عن قصتها أنها جميلة، وعرفت تقدم قصة سفر عبر الزمن صحيحة على عكس افلام كتيرة.

مين نفسه يرجع يعيد اللعبة تاني دلوقت زي ❤️ بس أختم اقولك متقلقش اللعبة تنبأت بنهاية العالم في شهر يناير السنادي واحنا في سبعة خلاص فأطمن🤣

اتمنى تكون القراءة كانت ممتعة ❤️