News, Gaming News

شحن 4 مليون وحدة خلال 3 أيام من لعبة Monster Hunter Rise

شحن 4 مليون وحدة خلال 3 أيام من لعبة Monster Hunter Rise

لعبة Monster Hunter Rise كان عليها Hype كتير قبل الإصدار من مُلاك منصة Nintendo Switch والحماس ده كله اتترجم في النسخ الي باعتها اللعبة لإنها قدرت تشحن 4 مليون وحدة عالمياً خلال 3 أيام بس من الإصدار الرسمي !

الرقم ده يعتبر الأضخم في سلسلة Monster Hunter وكمان مش محسوب فيه المبيعات الرقمية، الحسبة على المبيعات الفيزيائية بس من اللعبة عشان كدة منتظرين إن شركة Capcom تطلع وتعلن عن المبيعات والأرقام الفعلية للعبة على منصة Nintendo Switch.

هل اللعبة هتفضل حصرية على منصة السويتش بس ؟ أحب أقولك لا، اللعبة هتتوفر على الحاسب الشخصي خلال أوائل سنة 2022 بس لحد دلوقتي منعرفش إذا كانت هتصدر على PlayStation و Xbox ولا لا. لعبة Monster Hunter Rise بتستفيد بشكل ضخم من مُحرك RE Engine الي اتعمل بيه الأجزاء الأخيرة من سلسلة Resident Evil بالإضافة للعبة Devil May Cry 5 وعشان كدة هي شغالة بشكل ممتاز على السويتش وأداء اللعبة هيكون ممتاز على الحاسب الشخصي كمان.

لو معاك منصة Nintendo Switch فننصحك أنك تجرب اللعبة في أقرب فرصة ممكنة لأنها هتكون واحدة من الألعاب الي هتخيك  عايش جوا العالم ده ومش عايز تخرج منه. متنسوش تتابعونا على منصات التواصل الإجتماعي خاصتنا :

Website: www.gamezawy.com
Facebook: www.gamezawy.info
Instagram: www.gamezawy.co
YouTube: www.gamezawy.club
Telegram: t.me/gamezawyco

author-avatar

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.