خلال السنين الي فاتت سمعنا كلام كتير بيأكد إن سوني هي أسوأ شركة بتعامل المطورين المستقلين، الموضوع كان معروف بس مفيش ناس كتير بتتكلم عليه ولكن امبارح واحد من المطورين المستقلين حرفياً فجر كمية تغريدات على Twitter بيوضح طريقة التعامل الغير منطقية الي سوني بتتعامل بيها مع المطورين المستقلين.
Iain Garner المؤسس المساعد للإستوديو المستقل Neon Doctrine أكد في مجموعة تغريدات عبر Twitter عن شوية تفاصيل حصلت معاه خلال نشره لألعابه على منصات Sony.
عشان لعبتك يتوافق إنها ينتشر على منصات Sony فا لازم تعمل إعلان مخصوص لنسخة الجهاز ده، تكتب مقالة كاملة على موقع PlayStation Blog، تمر بمراحل كتير صعبة في عملية التطوير وتبدأ تكتب وتوضح إن اللعبة هتتوفر على المنصة والكلام ده عبر كل منصات السوشيال ميديا.
المشكلة أكبر من كدة بكتير، المصيبة إنك مينفعش تطلب إنك تاخد خصم على لعبتك عشان تفيد اللاعبين، الكلام ده بيحصل بموافقتهم بس وعشان يحصل لازم تطلب منهم الموضوع كذا مرة وممكن ميتوافقش عليه، وبعيداً عن إنهم بياخدوا 30% من الأرباح وده الطبيعي بتاع كل المنصات، فا سوني بتاخد منك على الأقل 25 ألف دولار لو حبيت إن لعبتك الناس تشوفها في المتجر الخاص بالشركة، بمعنى اخر انت محتاج تدفع المبلغ الضخم ده عشان الشركة تفكر تعملك دعاية وديه مصيبة، مُطور مستقل شغال على لعبة صغيرة هيجيب منين 25 ألف دولار !
ده كدة هو ملخص تجربة Iain Garner مع منصات Sony PlayStation وبالفعل Iain وضح مدى فشل الشركة في التعامل مع المطورين المستقلين الي احان المفروض اساساً نقدملهم كل الدعم المطلوب عشان ألعابهم الصغيرة تنجح ومع الوقت يبقوا مطورين كبار في الصناعة ويقدموا للاعبين تجارب متتنساش. لو سوني بصت على لعبتك ومعجبتهمش فأنت مش هتاخد أي دعاية ولا هيهتموا إنهم يدعموك ويفيدوك من الأساس وديه حركة مش كويسة.
واحد من الناس الي ردوا على التغريدة ديه بيقولوا إن أكيد ميكروسوفت بتعمل نفس الحاجة مع منصات Xbox ولكن مُطور مستقل تاني بيتعامل مع ميكروسوفت رد على الشخص ده وأكدله ان ميكروسوفت مأخدتش منهم فلوس عشان الدعاية وكمان حطت لعبتهم في صفحة المتجر الرئيسية وبقت تظهر للناس، غير كدة فا لما قرروا انهم يعملوا خصومات على لعبتهم، ميكروسوفت نصحتهم يستنوا خصم مُعين عشان يزودوا من المبيعات وبالفعل حققوا أضعاف المبيعات لما سمعوا كلامهم. كل ده وميكروسوفت مأخدتش منهم أي فلوس غير نسبة الأرباح بتاعتها، وهنا فرق التعامل مع المطورين المستقلين واضح !
المُطور Mathew White من إستوديو White Thorn Games هو كمان نشر تغريدة بيوضح فيها إن أكثر مبيعات بيحققها جت على منصات Xbox و Nintendo وحقق أرباح بنسبة 3% بس على منصات PlayStation لأن أساساً الشركة مفكرتش إنها تدعم لعبته. ( كل المُطورين الي ذكرتهم هسيبلكم مصادرهم في اخر المقالة)
الخلاصة الي هطلع بيها من المقالة ديه هي إن سوني مش بتدعم اي مطور مستقل بشكل عام الا لو في Hype كبير على لعبته لإن ده هيفيدهم، سوني مش بتدور على الي يفيد ويساعد المُطور الصغير الي لسة بادئ بل بتدور على الفلوس الي هتجيلها من ورا كل حاجة، على عكس Xbox الي دعمت المطورين الصغيرين بل وبتدفعلهم فلوس كمان أحياناً عشان تخلي ألعابهم موجودة على Xbox Game Pass وناس أكتر تجربها وتستمتع بيها ويوصلوا صوتهم للاعبين أكتر. محدش يعرف إمتى سوني هتتعدل وهتدعم فعلاً المطورين المستقلين، ولكن بعد الي حصل خلال اليومين الي فاتوا فا نتمنى إنها تتعدل في أقرب وقت.
OK. I am mad enough to burn some bridges. Because honestly, what’s the point of a bridge that I am not allowed to cross.
So here is a thread about Platform X. I will not be defining Platform X but it’s the operator of a very successful console and does not have Games Pass! pic.twitter.com/OJ2ZJz9BNy
— Iain Garner (@NeonIain) June 30, 2021
Alright, I’m gonna unfortunately throw my hat in here as well. We **love** our Platform X friends, and I’m former Platform X employee myself, but we cannot move the needle on the platform.
Less than 3% of sales as a company are on PX. https://t.co/WjOTx43OLr pic.twitter.com/yXMsr9srYw
— Matthew White (@matthewmwhite) June 30, 2021
