Tony Vinciquerra مدير PlayStation Productions اتكلم في لقاء جديد مع Media Post عن مستقبل الشركة والمسلسلات والأفلام الي ناويين ينتجوها.
على حسب كلام Vinciquerra فإن شركة PlayStation Productions شغالة حالياً على 10 مشاريع من ضمنهم 3 أفلام و 7 مسلسلات، كل الأعمال ديه هتكون مأخوذة من مجموعة الألعاب القوية الي قدمتها PlayStation سابقاً.
لحد دلوقتي تم الإعلان عن 3 مشاريع بس من أصل 10، المشروع الأول وهو فيلم Uncharted من بطولة Tom Holland والي هينزل خلال شهر يوليو 2021. كمان تم الإعلان عن مسلسل The Last of Us من إنتاج شبكة HBO وأخيراً مسلسل Twisted Metal ولسة مفيش تفاصيل كتير عن المشروع.
بشكل عام قائمة ممتازة من الأفلام والمسلسلات جاية في الطريق من PlayStation Productions ونتمنى تظهر بالمستوى المطلوب للاعبين.
promidoz
