شركة يوبي سوفت أعلنت عن تعاونها مع متجر Epic Games لنشر تجربة مجانية من Tom Clancy’s Ghost Recon Breakpoint لمدة 3 أيام فقط بدايةً من النهاردة 21 يناير ولحد 24 يناير 2021.
في التجربة المجانية ديه تقدر تجرب كل حاجة بتقدمها النسخة الكاملة من Ghost Recon Breakpoint سواء كانت القصة أو ممكن تخش تلعب أونلاين ضد أصحابك أو حتى تجرب أخر التحديثات الي نزلت للعبة خلال الفترة الي فاتت والي ضافت أفكار جديدة كتير من Rainbow Six Siege.
كل الي عليك تعمله عشان تجرب اللعبة بشكل مجامي هو الآتي :
– هتحمل Epic Games Launcher
– اعمل حساب جديد او سجل بحسابك
– ابحث عن اللعبة في المتجر
– حملها
– العبها مجاناً لمدة 3 أيام
طيب لو اللعبة عجبتك وحبيت تشتريها هل هتضطر تعمل كل الي انت عملته من الأول تاني ؟ أكيد لا، تقدمك في اللعبة هيتنقل للنسخة المدفوعة عشان تكمل من المكان الي وقفت فيه على طول. بالنسبة لمتطلبات التشغيل فأنت محتاج معالج Core i5 جيل رابع مع 8 جيجا بايت رام وكارت شاشة GTX 960 على الأقل وتفضي مساحة في حدود 50 جيجا بايت على جهازك.
متنساش تتابعنا على السوشيال ميديا عشان تعرف اخر الأخبار والتسريبات :
promidoz
