Hakan Abrak رئيس إستوديو IO Interactive إتكلم في لقاء جديد مع موقع Games Industry عن مبيعات Hitman 3 والأرباح الي حققتها. ده الي وضحه Abrak في اللقاء :
” نحن سعداء حقاً برحلة Hitman 3، لقد كان عملنا على اللعبة عبارة عن حب بين كل المعجبين والمطورين في الإستوديو، بصفتنا المُطورو الناشر فنحن فخورون بالإعلان عن أن Hitman 3 كانت مُربحة جداً. لقد استردنا إجمالي تكاليف التطوير في أقل من أسبوع. هذا يضعنا في مكان جيد ويسمح لنا بالمضي قدماً بثقة في خططنا الطموحة لمشاريعنا المستقبلية. “
لعبة Hitman 3 كانت مفاجأة حلوة جداً لأنها مش بس أفضل جزء في السلسلة بل هي قدمت تجربة مختلفة وعظيمة كان نفسنا نشوف حاجة زيها من زمان. تقدر تشوف مراجعتنا الكاملة للعبة من هنا.
Hitman 3 متوفرة دلوقتي للشراء على الحاسب الشخصي و PlayStation 4 و Xbox One وتقدر تلعبها على أجهزة الجيل الجديد بخاصية التوافق المُسبق طبعاً. كمان هينزل للعبة تحديث للجيل الجديد خلال سنة 2021 هيتم دعم تقنية تتبع الأشعة فيه وبكدة هنشوف تجربة أفضل. إحنا متحمسين نشوف الإستوديو هيعمل إيه في المستقبل خاصةً مع لعبة جيمس بوند الجديدة Project 007.
متنساش تتابعنا على السوشيال ميديا عشان تعرف أخر الأخبار :
promidoz
