النهاردة الصبح تم الإعلان عن الشركات الي هتتواجد في بث E3 2021 وناس كتير لاحظت غياب شركة Bethesda عن الأسامي ونظراً لأن الشركة بقت تحت إيد ميكروسوفت فالتوقعات كلها إتجهت لإن تواجد الشركة في E3 2021 هيكون ضمن مؤتمر Xbox.
الإعلامي Jeff Grubb رد على التوقعات ديه وأكد إن كل شركة فيهم هيكون ليها بث مختلف خاصةً وإنهم كانوا بيجهزوا للبثوث ديه بقالهم فترة طويلة جداً ومينفعش فجأة يدخلوا كل حاجة في بعض. بس الفكرة إن أول ما بث ميكروسوفت هيخلص هنبدأ على طول البث الخاص ببثيسدا وده لتوضيح إن الشركة اصبحت مملوكة من ميكروسوفت بس في نفس الوقت هما محتاجين بث خاص بيهم عشان هيكون عندهم إعلانات كتير ضخمة كالعادة.
حدث E3 2021 هيكون حدث رقمي بالكامل وهيستمر في الفترة بين 12 و15 يونيو 2021، شركات كتير هتشارك في البث زي Xbox و Nintendo و Capcom و Konami و Take Two Interactive و Ubisoft وغيرهم وشركات تانية كتير مش هتشارك أهمهم PlayStation و Square Enix.
متنسوش تتابعونا على السوشيال ميديا عشان تعرفوا أخر أخبار E3 2021 :
promidoz
