الأخبار, عن الألعاب

تحديث Beyond Light للعبة Destiny 2 سيُجبرك على تحميل اللعبة بأكملها

تحديث Beyond Light للعبة Destiny 2 سيُجبرك على تحميل اللعبة بأكملها

إستوديو Bungie أعلن عن شوية تفاصيل جديدة خاصة بإضافة Beyond Light الضخمة المنتظرة للعبة Destiny 2 الي اصبحت مجانية دلوقتي، التفاصيل الجديد بشكل عام ركزت على حجم التحميل الخاص بالإضافة.

حجم تحميل الاضافة / التحديث مش بسيط لأنك هتكون مضطر تحمل اللعبة كلها من الأول مرة تانية، اللعبة حجمها حالياً 100 جيجا بايت تقريباً وبعد التحديث الجديد هيكون حجمها 60 أو 70 جيجا بايت على حسب المنصة الي انت بتلعب عليها.

ده معناه انك هتكون مضطر تحمل بين 60 و 70 جيجا بايت لو عايز تكمل لعب Destiny 2 على أي منصة وعلى الرغم من إن حجم التحميل كبير جداً إلا إنه بشكل عام حل كويس لتحسين حجم اللعبة. على كل المنصات وفي ألعاب تانية عملتوا زي Rainbow Six Siege.

لعبة Destiny 2 متوفرة دلوقتي للتحميل  بشكل مجاني على الحاسب الشخصي و PlayStation 4 و Xbox One. إضافة Beyond Light الضخمة هتصدر لنفس المنصات المذكورة بالإضافة لمنصة Xbox Series X يوم 10 نوفمبر 2020 بسعر 40 دولار أمريكي. إضافة Beyond Light هتقدم مجموعة ضخمة من الحاجات الجديدة للعبة زي خرائط أونلاين وتكملة لقصة عالم Destiny.

author-avatar

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.