إشاعة جديدة تم نشرها عن الألعاب الحصرية الي هتنزل في وقت إطلاق منصة PlayStation 5. المرة ديه الإشاعة جاية من مُقدم المحتوى الشهير Maximilian Dood والي أكد إنه عارف جزء كبير من الألعاب الي هتنزل مع المنصة وانه سمع عنهم خلال اخر سنتين.
أكد Maximilian Dood أن الألعاب الحصرية الي هتنزل في فترة إطلاق الجهاز هتكون تجارب كبيرة جداً وده معناه إننا هنشوف حصريات كتير على المنصة. في شوية تسريبات بتقول إننا هنشوف الألعاب ديه وحاجات تانية غيرها في وقت الإطلاق :
- جزء جديد من Ratchet and Clank
- Demon’s Souls Remastered
- Gran Turismo 7
- لعبة أونلاين Multiplayer من منظور الشخص الأول
إشاعة تانية بتأكد إن شركة سوني هيكون ليها مؤتمر في اوائل شهر يونيو لإستعراض الألعاب القوية الي هتنزل مع الجهاز، مين متحمس ؟
