في مُسرب مشهور جداً إسمها Aesthetic Gamer أو Dusk Golem، الراجل ده معلوماته دايماً بتكون صح خاصةً في المواضيع المتعلقة بعالم Resident Evil والمرة ديه المُسرب إتكلم عن إصدار Resident Evil 7 على الجيل الجديد بتحسينات مميزة جداً.
على الرغم من إن Capcom كان عندها بث Resident Evil Showcase إمبارح إلا إنها مستعرضتش أي حاجة عن نسخة للجيل الجديد من Resident Evil 7 Biohazard بس المُسرب بيأكد إن النسخة ديه في التطوير حالياً وهتتوفر قريب على PlayStation 5 و Xbox Series X | S. نقدر نتوقع إنها هتشتغل بدقة 4K و60 إطار في الثانية مع دعم تقنية تتبع الأشعة طبعاً زي Resident Evil 8 Village كدة.
لو أنت معاك Xbox Series S أو Series X فننصحك إنك تجرب Resident Evil 7 Biohazard قبل ما تلعب Resident Evil 8 Village خاصةً وإن لعبة Resident Evil 7 متوفرة بشكل مجاني ضمن إشتراكك في خدمة Xbox Game Pass Ultimate وديه حاجة مميزة جداً.
Resident Evil Village هتصدر في 7 مايو 2021 على الحاسب الشخصي و PlayStation 4 و PlayStation 5 و Xbox One و Xbox Series X | S.
I know VR was in at some point, I don’t know the current status. To do VR they need a consistent performance for motion sickness, I guess to see. There is other things that are 100% happening they for some reason didn’t mention here though, like the RE7 Next-Gen patch though. https://t.co/1zNHti0k0x
— AestheticGamer aka Dusk Golem (@AestheticGamer1) January 21, 2021
