إشاعة جديدة تم نشرها على موقع Reddit حول ميعاد الإصدار الرسمي للعبة Assassins’ Creed Valhalla، المعلومات الأخيرة ديه جت من متجر اسكندنافي والي أكد إن اللعبة هتصدر في 16 أكتوبر 2020 وبعدها بفترة تم إزالة الميعاد ورجع تاني لموسم أعياد 2020 وده بيوضح إن المتجر وقع في خطأ إنه نشر الميعاد بدري.
لحد دلوقتي ، مفيش ميعاد رسمي للإصدار للعبة Assassin’s Creed Valhalla ولو الميعاد الي قاله المتجر ده صح فا ده معناه إن اللعبة هتصدر الأول على الجيل الحالي وبعد كدة هتصدر على الجيل الجديد لإن الجيل الجديد مش هينزل بشكل رسمي إلا في نوفمبر أو ديسمبر 2020.
لعبة Assassin’s Creed Valhalla هتاخد نفس إتجاه لعبة Assassin’s Creed Black Flag وده معناه إنها هتنزل الأول على PlayStation 4 و Xbox One وبعد كدة هتنزل على Xbox Series X و PlayStation 5 ونسخة الحاسب الشخصي هتنزل مع نسخة الجيل الجديد.
