اتكلم إستوديو Machine Games في Blog Post أخير على موقع Bethesda عن المستقبل وايه الي ناويين يقدموه خلال السنين الي جاية.
الاستوديو اكد ان خطوة شراء ميكروسوفت لشركة Bethesda وان الاستوديو بقى تابع بشكل كامل لميكروسوفت ده افضل لأن حالياً هيقدروا انهم يقدموا ألعاب أقوى من الأول وبمعنى اخر هيكون فيه ميزانية اكبر واتقل من الأول لكل ألعابهم الجديدة.
لما اتسألوا عن ايه الي ناويين يعملوه خلال السنين الي جاية أكدوا انهم ينزلوا كمية كبيرة من الألعاب القوية وان في افكار ومشاريع مختلفة لألعاب القصة والألعاب التعاونية.
إستوديو Machine Games قدم مجموعة من التجارب الرائعة خلال اخر 6 سنين، في 2014 شوفنا Wolfenstein The New Order وبعدها شوفنا Wolfenstein The Old Blood وبعد كدة الجزء التاني Wolfenstein II The New Colossus في 2017 وأخيراً Wolfenstein Youngblood في 2019 والي كانت أول لعبة تعاونية قدمها الإستوديو.
شخصياً أتوقع انهم بدأوا بالفعل شغلهم على لعبة Wolfenstein 3 وممكن نشوفها في 2021 أو 2022 بشكل حصري على الحاسب الشخصي و Xbox Series X | S.
promidoz
