Console News, News

نظارة الواقع الإفتراضي PlayStation VR 2 ممكن تكون لاسلكية

blank

من فترة طويلة واحنا بنسمع عن نظارة واقع إفتراضي جديدة من سوني هتتوفر لمنصة PlayStation 5 وهتكون بإسم PlayStation VR 2. الشائعات استمرت فترة طويلة وبعضها أكدت إن النظارة هتكون لاسلكية وسوني هتقدم النقلة التكنولوجية الجديدة لنظارات الواقع الافتراضي.

من الواضح كدة ان الموضوع ده هيتحقق فعلاً لإن شخص على تويتر بإسم LumenHD وجد Code في تطبيق PlayStation Remote Play بيوضح إن الشركة شغالة حالياً على تكنولوجية واقع افتراضي هتستفيد من تقنية WiFi 6 الي هتتقدم في PlayStation 5.

لحد دلوقتي الشركات الضخمة في تصنيع نظارات الواقع الإفتراضي زي Facebook أو Valve لسة موصلوش لتقنية مناسبة 100% لاسلكية فا هل سوني هتقدر تقدمها قريب على PlayStation 5؟

التقنية ديه هتبقى نقلة كبيرة خاصةً وإن في ناس كتير مش عايز تشتري VR عشان الاسلاك والكركبة الي بتعملها في الاوضة عندهم فا ده هيكون حل مثالي وهيغير فكر ناس كتير عن الواقع الإفتراضي وهنشوف ناس اكثر بتقتني النظارات في المستقبل.

على العموم لسة مفيش تأكيد من سوني على PlayStation VR 2 ومتتوقعوش ان الإعلان عنها يكون قريب.

Ahmed Yousry

About Ahmed Yousry

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.