Gaming News, News

من الواضح أن إستوديو Naughty Dog بدأ العمل على مشروعه الجديد

اخر لعبة نزلها إستوديو Naughty Dog كانت The Last of Us Part II في شهر مايو الي فات وعلى الرغم من إختلافنا مع الأفكار الي قدمتها اللعبة إلا إن هي نجحت في الصناعة بشكل ضخم وحصدت جوائز كتيرة جداً أهمهم طبعاً جائزة لعبة السنة في حفل The Game Awards 2020.

خلال الفترة الي فاتت إستوديو Naughty Dog ضم مجموعة ضخمة من المطورين الجدد وكمان حصل تغييرات كبيرة في الإدارة الخاصة بالإستوديو وده إن دل على شيء فهو بيدل على  إن الإستوديو يإما بيجهز لبدء الشغل على لعبة جديدة أو بالفعل هو بدأ الشغل عليها خلال الفترة الي فاتت بعد الإنتهاء من The Last of Us 2.

كان فيه شوية تسريبات كدة منتشرة بتقول إن الإستوديو هيستمر في تقديم المحتوى القصصي المعهود طبعاً بس المرة ديه هما هيقدموا عنوان جديد وهتكون لعبة أكشن ومغامرات هتضم بعض الأفكار المستقبلية. مفيش تأكيد على أي حاجة من التسريب ده في الوقت الحالي بس هتكون حاجة حلوة إن الإستوديو يقدم عنوان جديد بعد النجاح الي حققه مع Uncharted و The Last of Us ونشوفهم بيقدموا أفكار جديدة ومنوعة في الصناعة. اللعبة طبعاً هتكون حصرية على جهاز PlayStation 5.

كمان الإستوديو المفروض إنه شغال على  لعبة The Last of Us Online Multiplayer والي هتتوفر في 2021 أو 2022 على PlayStation 4 و PlayStation 5.

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.